സിനിമാ പ്രേക്ഷകരുടെ പ്രിയ നായിക; പട്ടികയിൽ മുന്നിൽ സാമന്ത

(moviemax.in) ഇന്ത്യൻ സിനിമാ പ്രേക്ഷകരുടെ പ്രിയപ്പെട്ട നായികമാരെ തിരഞ്ഞെടുത്ത് ഓർമാക്സ് മീഡിയ തയ്യാറാക്കിയ പട്ടികയിൽ ഒന്നാം സ്ഥാനം നേടി സാമന്ത റൂത്ത് പ്രഭു. ജൂലൈ മാസത്തെ ജനപ്രീതി അടിസ്ഥാനമാക്കി തയ്യാറാക്കിയ ഈ പട്ടികയിൽ ബോളിവുഡ് താരങ്ങളെ പിന്നിലാക്കിയാണ് സാമന്തയുടെ മുന്നേറ്റം.

പട്ടികയിൽ രണ്ടാം സ്ഥാനത്ത് ആലിയ ഭട്ട് ഇടം നേടിയപ്പോൾ, മൂന്നാം സ്ഥാനം മുൻനിര ബോളിവുഡ് താരം ദീപിക പദുകോണിനാണ്. തുടർച്ചയായ സിനിമകളും സാമൂഹ്യ മാധ്യമങ്ങളിലെ സജീവ സാന്നിധ്യവുമാണ് ദീപികയെ ഈ സ്ഥാനത്തെത്തിച്ചത്.

Also read: 'വേദന ഉണ്ടായിരുന്നു നല്ലണം, വേണ്ടെന്ന് പറഞ്ഞ് ഓടിയ ദിവസങ്ങളുണ്ട്, ആൺകുട്ടിയാകാൻ എന്നെ ഡോക്ടറുടെയടുത്ത് കൊണ്ട് പോയിട്ടുണ്ട്' -ജാസി

ദക്ഷിണേന്ത്യൻ സിനിമകളിലെ പ്രിയ താരങ്ങളായ കാജൽ അഗർവാൾ നാലാമതും, തൃഷ അഞ്ചാമതും പട്ടികയിലുണ്ട്. ലേഡി സൂപ്പർസ്റ്റാർ എന്നറിയപ്പെടുന്ന നയൻതാര ആറാം സ്ഥാനത്താണ്.

​അതേസമയം, ഏറ്റവും ശ്രദ്ധേയമായ പ്രകടനം കാഴ്ചവെച്ചത് ഏഴാം സ്ഥാനക്കാരിയായ സായ് പല്ലവിയാണ്. 'അമരൻ', 'തണ്ടേൽ' തുടങ്ങിയ സൂപ്പർഹിറ്റ് സിനിമകളിലൂടെ പ്രേക്ഷക മനസ്സ് കീഴടക്കിയ സായ് പല്ലവി, രാജ്യമെമ്പാടുമുള്ള സിനിമാ പ്രേമികളുടെ ഇഷ്ടതാരമായി മാറിയെന്ന് ഈ പട്ടിക വ്യക്തമാക്കുന്നു.

സായ് പല്ലവിക്കു പിന്നാലെ രശ്മിക മന്ദാന, ശ്രീലീല, തമന്ന തുടങ്ങിയ ദക്ഷിണേന്ത്യൻ താരങ്ങളും പട്ടികയിൽ ഇടം നേടിയിട്ടുണ്ട്. ഇത് ഇന്ത്യൻ സിനിമയിൽ ദക്ഷിണേന്ത്യൻ താരങ്ങൾക്കുള്ള സ്വീകാര്യതയുടെ വർധനവ് സൂചിപ്പിക്കുന്നു.

Samantha Ruth Prabhu has topped the list prepared by Ormakal Media which has selected the favorite heroines of Indian cinema audiences