---
title: "ഷൂട്ടിംഗ് സെറ്റില്‍ ഭക്ഷ്യവിഷബാധ; രണ്‍വീര്‍ സിംഗ് ചിത്രം 'ദുരന്തര്‍' ചിത്രീകരണം നിര്‍ത്തിവെച്ചു, 120 പേർ ആശുപത്രിയില്‍"
english_title: "Food poisoning on the shooting set Ranveer Singhs film Duranthar shooting halted 120 people hospitalized"
publisher: "moviemax.in"
canonical_url: "https://moviemax.in/news/309555/food-poisoning-on-the-shooting-set-ranveer-singhs-film-duranthar-shooting-halted-120-people-hospitalized"
published_at: "2025-08-19T12:49:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/68a42673dc54b_51561.jpg"
keywords: []
---

# ഷൂട്ടിംഗ് സെറ്റില്‍ ഭക്ഷ്യവിഷബാധ; രണ്‍വീര്‍ സിംഗ് ചിത്രം 'ദുരന്തര്‍' ചിത്രീകരണം നിര്‍ത്തിവെച്ചു, 120 പേർ ആശുപത്രിയില്‍

> **Lead Summary:** **** നിർമ്മാണം പുരോഗമിക്കുന്ന രൺവീർ സിംഗ് ചിത്രം 'ദുരന്തർ'-ൻ്റെ ഷൂട്ടിംഗ് സെറ്റിൽ ഭക്ഷ്യവിഷബാധ.ലഡാക്കിൽ ചിത്രീകരണം നടക്കുന്നതിനിടെ 120 പേരെയാണ് ഭക്ഷ്യവിഷബാധയെ തുടർന്ന് ആശുപത്രിയിൽ പ്രവേശിപ്പിച്ചത്. ഞായറാഴ്ച രാത്രിയിലുണ്ടായ ഈ സംഭവം കാരണം ചിത്രത്തിൻ്റെ ഷൂട്ടിംഗ് താൽക്കാലികമായി നിർത്തിവെച്ചു.

## Article Content

**** നിർമ്മാണം പുരോഗമിക്കുന്ന രൺവീർ സിംഗ് ചിത്രം 'ദുരന്തർ'-ൻ്റെ ഷൂട്ടിംഗ് സെറ്റിൽ ഭക്ഷ്യവിഷബാധ.ലഡാക്കിൽ ചിത്രീകരണം നടക്കുന്നതിനിടെ 120 പേരെയാണ് ഭക്ഷ്യവിഷബാധയെ തുടർന്ന് ആശുപത്രിയിൽ പ്രവേശിപ്പിച്ചത്. ഞായറാഴ്ച രാത്രിയിലുണ്ടായ ഈ സംഭവം കാരണം ചിത്രത്തിൻ്റെ ഷൂട്ടിംഗ് താൽക്കാലികമായി നിർത്തിവെച്ചു.

മൈനസ് ഡിഗ്രി സെൽഷ്യസിലേക്ക് താപനില താഴുന്ന അതിശൈത്യമുള്ള ലഡാക്കിൽ ചിത്രീകരണം നടക്കുന്നതിനിടെയാണ് സംഭവം. ഞായറാഴ്ച രാത്രി ഭക്ഷണം കഴിച്ചതിന് ശേഷം 120 പേർക്ക് വയറുവേദന, ഛർദ്ദി, തലകറക്കം തുടങ്ങിയ ലക്ഷണങ്ങൾ അനുഭവപ്പെട്ടു. ഉടൻ തന്നെ ഇവരെ ലേയിലുള്ള എസ്എൻഎം ആശുപത്രിയിൽ പ്രവേശിപ്പിച്ചു.

​ഏകദേശം 600-ഓളം പേരാണ് ചിത്രീകരണ സംഘത്തിലുണ്ടായിരുന്നത്. അഞ്ച് പേരിൽ ഒരാൾക്ക് എന്ന നിലയിലാണ് ഭക്ഷ്യവിഷബാധയേറ്റത്. പരിശോധനയ്ക്കായി ഭക്ഷണത്തിൻ്റെ സാമ്പിളുകൾ അയച്ചിട്ടുണ്ട്. എല്ലാവരുടെയും ആരോഗ്യനില തൃപ്തികരമാണെന്നും, നിലവിൽ ആരുടെയും നില ഗുരുതരമല്ലെന്നും ഡോക്ടർമാർ അറിയിച്ചു. രോഗലക്ഷണങ്ങൾ ഉള്ളവരെ ഉടൻ തന്നെ ഡിസ്ചാർജ് ചെയ്യുമെന്നും പ്രതീക്ഷിക്കുന്നു.

വലിയ ബജറ്റിൽ ഒരുങ്ങുന്ന ഈ സിനിമയുടെ നിർമ്മാണത്തിൽ വലിയൊരു തടസ്സമാണ് ഈ സംഭവം ഉണ്ടാക്കിയിരിക്കുന്നത്. രൺവീർ സിംഗിനെ കൂടാതെ സഞ്ജയ് ദത്ത്, ആർ മാധവൻ, അർജുൻ രാംപാൽ, അക്ഷയ് ഖന്ന തുടങ്ങിയ പ്രമുഖ താരങ്ങളും ചിത്രത്തിൽ പ്രധാന വേഷങ്ങളിലെത്തുന്നുണ്ട്.

​ജിമ്മി ഷെർഗിൽ, സാറാ അർജുൻ, രാകേഷ് ബേദി എന്നിവർ സഹതാരങ്ങളായി എത്തുന്നു. ജിയോ സ്റ്റുഡിയോസും ബി62 സ്റ്റുഡിയോസും ചേർന്നാണ് ചിത്രം നിർമ്മിക്കുന്നത്. നിർമ്മാണത്തിലെ ഈ തടസ്സം റിലീസിനെ ബാധിക്കുമോ എന്ന ആശങ്കയിലാണ് അണിയറപ്രവർത്തകർ. എല്ലാ ക്രൂ അംഗങ്ങളും സുരക്ഷിതമായിരിക്കാൻ പ്രാർത്ഥിക്കുന്നതായി സിനിമാലോകം അറിയിച്ചു.

### Related Links & Sources
- [Original Story Source](https://moviemax.in/news/309555/food-poisoning-on-the-shooting-set-ranveer-singhs-film-duranthar-shooting-halted-120-people-hospitalized)