---
title: "കൂലി കണ്ടിറങ്ങിയവർ പറയുന്നു.... തലൈവർ മാത്രമല്ല സൗബിനും മിന്നിച്ചു!"
english_title: "Soubin Shahir performance and intro scenes in the film Coolie created a lot of excitement"
publisher: "moviemax.in"
canonical_url: "https://moviemax.in/news/308440/soubin-shahir-performance-and-intro-scenes-in-the-film-coolie-created-a-lot-of-excitement"
published_at: "2025-08-14T11:40:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/689d7ee3c873d_sdfsdf.jpg"
keywords: []
---

# കൂലി കണ്ടിറങ്ങിയവർ പറയുന്നു.... തലൈവർ മാത്രമല്ല സൗബിനും മിന്നിച്ചു!

> **Lead Summary:** **[ '**കൂലി' എന്ന രജനികാന്ത് - ലോകേഷ് കനകരാജ് ചിത്രം തിയേറ്ററുകളിൽ സമ്മിശ്ര പ്രതികരണത്തോടെ മുന്നേറുകയാണ്. ചിത്രത്തെ രജനികാന്ത് ആരാധകർ ഏറ്റെടുത്തപ്പോൾ, ലോകേഷ് ആരാധകർക്ക് പൂർണ്ണമായി തൃപ്തികരമായില്ലെന്നാണ് പൊതുവെയുള്ള വിലയിരുത്തൽ. ചിത്രത്തിലെ സൗബിൻ ഷാഹിറിൻ്റെ പ്രകടനവും ഇൻട്രോ സീനുകളും വലിയ ആവേശം സൃഷ്ടിച്ചു. കൂടാതെ അനിരുദ്ധിൻ്റെ പശ്ചാത്തല സംഗീതവും പ്രേക്ഷകരുടെ പ്രശംസ പിടിച്ചുപറ്റി.

## Article Content

**[ '**കൂലി' എന്ന രജനികാന്ത് - ലോകേഷ് കനകരാജ് ചിത്രം തിയേറ്ററുകളിൽ സമ്മിശ്ര പ്രതികരണത്തോടെ മുന്നേറുകയാണ്. ചിത്രത്തെ രജനികാന്ത് ആരാധകർ ഏറ്റെടുത്തപ്പോൾ, ലോകേഷ് ആരാധകർക്ക് പൂർണ്ണമായി തൃപ്തികരമായില്ലെന്നാണ് പൊതുവെയുള്ള വിലയിരുത്തൽ. ചിത്രത്തിലെ സൗബിൻ ഷാഹിറിൻ്റെ പ്രകടനവും ഇൻട്രോ സീനുകളും വലിയ ആവേശം സൃഷ്ടിച്ചു. കൂടാതെ അനിരുദ്ധിൻ്റെ പശ്ചാത്തല സംഗീതവും പ്രേക്ഷകരുടെ പ്രശംസ പിടിച്ചുപറ്റി.

രണ്ട് വർഷത്തെ കാത്തിരിപ്പിന് ശേഷം ഒരുങ്ങിയ ഈ ലോകേഷ് ചിത്രത്തിൽ, ദേവ എന്ന മുൻ ഗാങ് ലീഡറിൻ്റെ കഥയാണ് പറയുന്നത്. നാഗാർജുന, ശ്രുതി ഹാസൻ, പൂജ ഹെഗ്‌ഡെ, ഉപേന്ദ്ര, ആമിർ ഖാൻ തുടങ്ങിയ വലിയ താരനിര ചിത്രത്തിൽ അണിനിരക്കുന്നുണ്ട്. പ്രതീക്ഷയ്ക്കൊത്ത് ഉയർന്നില്ലെങ്കിലും, 'കൂലി' ഒരു തവണ കണ്ടിരിക്കാവുന്ന ചിത്രമാണെന്ന് പ്രേക്ഷകർ പറയുന്നു.

അതേസമയം, 'കൂലി'യുടെ പ്രീ-റിലീസ് ഇവൻ്റിൽ രജനികാന്ത് സൗബിൻ ഷാഹിറിനെക്കുറിച്ച് നടത്തിയ പരാമർശങ്ങൾ ശ്രദ്ധേയമായിരുന്നു. ആദ്യം സൗബിൻ ഈ കഥാപാത്രത്തെ അവതരിപ്പിക്കുന്നതിൽ തനിക്ക് ആത്മവിശ്വാസം ഉണ്ടായിരുന്നില്ലെന്നും, എന്നാൽ അദ്ദേഹത്തിൻ്റെ പ്രകടനം കണ്ട് താൻ ഞെട്ടിപ്പോയെന്നും രജനികാന്ത് വെളിപ്പെടുത്തി. ഈ പ്രധാനപ്പെട്ട കഥാപാത്രത്തിനായി ആദ്യം മനസ്സിൽ വന്നത് ഫഹദ് ഫാസിലിൻ്റെ പേരായിരുന്നുവെന്നും അദ്ദേഹം പറഞ്ഞിരുന്നു.

### Related Links & Sources
- [Original Story Source](https://moviemax.in/news/308440/soubin-shahir-performance-and-intro-scenes-in-the-film-coolie-created-a-lot-of-excitement)