---
title: "'എന്തൊരു ചേലാണ്...'; വീണ്ടും പ്രണയിച്ച് മോഹൻലാലും ശോഭനയും ; തുടരും എന്ന ചിത്രത്തിലെ ഗാനം പുറത്ത്"
english_title: "#mohanlal #shobana #tharunmurthy #kanmanipoove #thudarum #new #song"
publisher: "moviemax.in"
canonical_url: "https://moviemax.in/news/271957/mohanlal-shobana-tharunmurthy-kanmanipoove-thudarum-new-song"
published_at: "2025-02-21T22:29:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/67b8b15c743d4_sh.jpg"
keywords: []
---

# 'എന്തൊരു ചേലാണ്...'; വീണ്ടും പ്രണയിച്ച് മോഹൻലാലും ശോഭനയും ; തുടരും എന്ന ചിത്രത്തിലെ ഗാനം പുറത്ത്

> **Lead Summary:** ** ശോഭ**നയും മോഹന്‍ലാലും വീണ്ടും ഒന്നിക്കുന്ന തുടരും എന്ന ചിത്രത്തിലെ ആദ്യഗാനം റിലീസ് ചെയ്തു. എം.ജി. ശ്രീകുമാര്‍ പാടിയ കണ്മണി പൂവേ എന്ന ഗാനത്തിന്റെ ലിറിക്കല്‍ വീഡിയോയാണ് പുറത്തുവിട്ടത്.

## Article Content

** ശോഭ**നയും മോഹന്‍ലാലും വീണ്ടും ഒന്നിക്കുന്ന തുടരും എന്ന ചിത്രത്തിലെ ആദ്യഗാനം റിലീസ് ചെയ്തു. എം.ജി. ശ്രീകുമാര്‍ പാടിയ കണ്മണി പൂവേ എന്ന ഗാനത്തിന്റെ ലിറിക്കല്‍ വീഡിയോയാണ് പുറത്തുവിട്ടത്.

ബി.കെ. ഹരിനാരായണന്റെ വരികള്‍ക്ക് ജേക്‌സ് ബിജോയ്‌യാണ് സംഗീതം നിര്‍വഹിച്ചിരിക്കുന്നത്. തരുണ്‍ മൂര്‍ത്തിയാണ് ചിത്രം സംവിധാനം ചെയ്തിരിക്കുന്നത്.

മോഹന്‍ലാലിന്റെ 360-ാം ചിത്രമെന്ന പ്രത്യേകതയ്ക്കു പുറമേ ശോഭനയും മോഹന്‍ലാലും 15 വര്‍ഷങ്ങള്‍ക്ക് ശേഷം ഒന്നിക്കുന്ന ചിത്രമെന്ന സവിശേഷതയും സിനിമയ്ക്കുണ്ട്.

2009-ല്‍ അമല്‍ നീരദ് സംവിധാനം ചെയ്ത സാഗര്‍ ഏലിയാസ് ജാക്കിയിലാണ് അവസാനമായി ഇരുവരും ഒന്നിച്ച് അഭിനയിച്ചത്. 2004-ല്‍ ജോഷിയുടെ സംവിധാനത്തില്‍ പുറത്തിറങ്ങിയ മാമ്പഴക്കാലത്തിലാണ് മോഹന്‍ലാലും ശോഭനയും അവസാനമായി ജോഡികളായത്.

കെ.ആര്‍. സുനിലിന്റേതാണ് കഥ. തരുണ്‍ മൂര്‍ത്തിയും സുനിലും ചേര്‍ന്നാണ് തിരക്കഥയും സംഭാഷണവും രചിച്ചിരിക്കുന്നത്. രജപുത്ര വിഷ്വല്‍ മീഡിയ അവതരിപ്പിക്കുന്ന ചിത്രം നിര്‍മിക്കുന്നത് എം. രഞ്ജിത്ത് ആണ്. ഛായാഗ്രഹണം: ഷാജികുമാര്‍, എഡിറ്റിങ് -നിഷാദ് യൂസഫ്, ഷഫീഖ് വി.ബി.

### Related Links & Sources
- [Original Story Source](https://moviemax.in/news/271957/mohanlal-shobana-tharunmurthy-kanmanipoove-thudarum-new-song)