---
title: "#AlluArjun | പാട്ടിലെ വരികൾ പോലീസിനെ പരിഹസിക്കുന്നു? പുഷ്പ 2-ൽ അല്ലു അർജുൻ പാടിയ ​ഗാനം യൂട്യൂബിൽനിന്ന് നീക്കി  "
english_title: "#AlluArjun's #song #from #Pushpa2 #removed #from #YouTube"
publisher: "moviemax.in"
canonical_url: "https://moviemax.in/news/259187/alluarjuns-song-from-pushpa2-removed-from-youtube"
published_at: "2024-12-27T07:13:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/676e06a1a947a_pushpa2.jpg"
keywords: []
---

# #AlluArjun | പാട്ടിലെ വരികൾ പോലീസിനെ പരിഹസിക്കുന്നു? പുഷ്പ 2-ൽ അല്ലു അർജുൻ പാടിയ ​ഗാനം യൂട്യൂബിൽനിന്ന് നീക്കി  

> **Lead Summary:** ** ** പുഷ്പ 2നെ ചുറ്റിപ്പറ്റിയുള്ള വിവാദങ്ങൾക്കിടെ, ചിത്രത്തിലെ 'ദമ്മൂന്റെ പട്ടുകൊര' എന്ന ​ഗാനം യൂട്യൂബിൽനിന്നും സാമൂഹിക മാധ്യമങ്ങളിൽനിന്നും നീക്കി.

## Article Content

** ** പുഷ്പ 2നെ ചുറ്റിപ്പറ്റിയുള്ള വിവാദങ്ങൾക്കിടെ, ചിത്രത്തിലെ 'ദമ്മൂന്റെ പട്ടുകൊര' എന്ന ​ഗാനം യൂട്യൂബിൽനിന്നും സാമൂഹിക മാധ്യമങ്ങളിൽനിന്നും നീക്കി.

ഗാനത്തിലെ വരികൾ വിവാദമായതോടെയാണ് നിർമാതാക്കളുടെ നീക്കം. അല്ലു അർജുൻ ആലപിച്ച ഈ ​ഗാനം ഡിസംബർ 24-നാണ് യൂട്യൂബിൽ റിലീസ് ചെയ്തത്.

പുഷ്പയും(അല്ലു അർജുൻ) ബന്‍വാര്‍ സിങ് ഷെഖാവത്തും (ഫഹദ് ഫാസിൽ) തമ്മിലുള്ള ചൂടേറിയ ഏറ്റുമുട്ടലാണ് ​ഗാനത്തിന്റെ പശ്ചാത്തലം.

എന്നാൽ പുഷ്പ 2-ന്റെ റിലീസ് ദിനത്തില്‍ തിയേറ്ററിലുണ്ടായ തിക്കിലും തിരക്കിലും പെട്ട് യുവതി മരിച്ച സംഭവവും തുടർന്നുണ്ടായ കേസും വിവാദങ്ങളും കൊടുമ്പിരികൊണ്ടിരിക്കെ, പാട്ടിലെ വരികൾ പോലീസിനെ പരിഹസിക്കുന്നുവെന്ന ആരോപണം ശക്തമായി ഉയർന്നു. തുടർന്നാണ് ​ഗാനം പിൻവലിക്കാനുള്ള തീരുമാനത്തിലേക്ക് നിർമാതാക്കൾ എത്തിയത്.

### Related Links & Sources
- [Original Story Source](https://moviemax.in/news/259187/alluarjuns-song-from-pushpa2-removed-from-youtube)