അഡൽറ്റ് സിനിമകളിൽ നിന്നും ബോളിവുഡിലെത്തി വിജയം കൈവരിച്ച നടിയാണ് സണ്ണി ലിയോൺ. പോൺ ചിത്രങ്ങളിൽ അഭിനയിച്ച സണ്ണി ലിയോൺ ആ ലേബലിൽ നിന്നും അതിവേഗം പുറത്തു കടക്കുകയും മത്സരങ്ങളേറെയുള്ള ബോളിവുഡ് ഇൻഡ്സ്ട്രിയിൽ തന്റേതായ ഒരു സ്ഥാനം നേടിയെടുക്കുകയും ചെയ്തു.
ജിസം 2 ആയിരുന്നു ആദ്യ ചിത്രം. പിന്നീട് ജാക്ക്പോട്ട്, രാഗിണി എംഎംഎസ് 2, എക് പഹേലി ലീല, തേര ഇൻതസാർ എന്നിവയാണ് ബോളിവുഡിൽ നടി അഭിനയിച്ച സിനിമകൾ. കേരളത്തിൽ ഏറെ ആരാധകരുള്ള സണ്ണി ലിയോൺ മലയാളത്തിൽ മധുരരാജ എന്ന സിനിമയിൽ ഡാൻസ് നമ്പറിലും അഭിനയിച്ചിട്ടുണ്ട്.
മുൻ പോൺ താരമായതിനാൽ തന്നെ സിനിമാ ഇൻഡസ്ട്രിയിൽ സണ്ണിയുടെ വിജയം അത്ര എളുപ്പമായിരുന്നില്ല. തുടക്ക കാലത്ത് ചില പ്രതിസന്ധികൾ നടി അഭിമുഖീകരിച്ചിരുന്നു. ബോളിവുഡിലെ മുൻനിര നടൻമാർ തന്നോടൊപ്പം അഭിനയിക്കാൻ മടികാണിച്ചെന്ന് നടി ഒരുവേള തുറന്നു പറഞ്ഞിരുന്നു. ഭാര്യമാരെ ഭയന്നാണ് ഇവർ തന്റെ കൂടെ അഭിനയിക്കാത്തതെന്നും ഇത് തനിക്ക് നല്ല സിനിമകൾ ലഭിക്കുന്നതിന് തടസ്സമായെന്നും നടി തുറന്നു പറഞ്ഞു.
2015 ൽ ഹിന്ദുസ്ഥാൻ ടൈംസിന് നൽകിയ അഭിമുഖത്തിലായിരുന്നു സണ്ണി ലിയോൺ ഇക്കാര്യം സൂചിപ്പിച്ചത്. ' ഒപ്പം ജോലി ചെയ്യുന്ന മിക്ക നടൻമാരും വിവാഹിതരാണ്. അവരുടെ ഭാര്യമാരെ കണ്ടുമുട്ടുമ്പോൾ നടൻമാരേക്കാൾ കൂടുതൽ ഞാനവരുമായി അടുക്കുന്നു.
എങ്കിൽ പോലും ഒരു അരക്ഷിതാവസ്ഥ ഉണ്ടെന്ന് ഞാൻ കരുതുന്നു. എനിക്ക് നിങ്ങളുടെ ഭർത്താവിനെയോ കാമുകനെയോ ആവശ്യമില്ല. ലോകത്തിലെ ഏറ്റവും നല്ല ഭർത്താവാണ് എനിക്കുള്ളതെന്ന് അവരോട് എനിക്ക് പറയാൻ തോന്നും,' സണ്ണി ലിയോൺ പറഞ്ഞതിങ്ങനെ.
പിന്നീട് മറ്റൊരു അഭിമുഖത്തിലും നടി ഇതേപറ്റി സംസാരിച്ചു. 'ഭാര്യമാർ കാരണവും മറ്റും നിരവധി നടൻമാർ തന്റെയൊപ്പം ജോലി ചെയ്യാൻ ഭയക്കുന്നുണ്ടെന്ന് പലരും എന്നോട് പറഞ്ഞു. എനിക്കിവരുടെ ഭാര്യമാരോട് പറയാനുള്ളത് എനിക്ക് നിങ്ങളുടെ ഭർത്താക്കൻമാരെ ആവശ്യമില്ലെന്നാണ്' 'എനിക്ക് ഒരു ഭർത്താവുണ്ട്.
ഞാനദ്ദേഹത്തെ സ്നേഹിക്കുന്നു. അവൻ ഹോട്ട് ആണ്. അവൻ വൈകാരികമായും മറ്റെല്ലാ തലത്തിലും എന്നെ തൃപ്തയാക്കുന്നു. എനിക്ക് നിങ്ങളുടെ ഭർത്താവിനെ വേണ്ട. എനിക്ക് എന്റെ ജോലി ചെയ്യണം. എന്റെ ഭർത്താവിനൊപ്പം തിരികെ വീട്ടിലേക്ക് പോവണം. നിങ്ങളുടെ ഭർത്താവിനൊപ്പമല്ല,' സണ്ണി ലിയോൺ പറഞ്ഞു.
സോഷ്യല് മീഡിയയില് ചര്ച്ചയായി ഋതു മന്ത്രയുടെ വിവാഹ ഫോട്ടോ
ബിഗ് ബോസിലൂടെ ശ്രദ്ധിക്കപ്പെട്ട നിരവധി പേരുണ്ട്. ഇതില് ചിലരുടെ മുഖം പ്രേക്ഷക മനസ്സില് ആഴത്തില് പതിക്കും. അതിപ്പോള് വളരെ നേരത്തെ തന്നെ ഷോയില് നിന്ന് പുറത്തായവര് ആണെങ്കില് പോലും. മലയാളം ബിഗ് ബോസ് സീസണ് മൂന്നിലൂടെ ശ്രദ്ധിക്കപ്പെട്ട താരമാണ് ഋതു മന്ത്ര.
തുടക്കത്തില് ആള് കുറച്ച് പുറകോട്ട് ആയിരുന്നുവെങ്കിലും പകുതി എത്തിയതോടെ ശക്തമായ മത്സരാര്ത്ഥിയിലേക്ക് എത്താന് ഋതുവിന് സാധിച്ചു. പുറത്ത് വലിയ സപ്പോര്ട്ട് തന്നെ ഋതുമന്ത്രക്ക് ഉണ്ടായിരുന്നു. പുറത്തുവന്ന ശേഷവും വിശേഷങ്ങള് പങ്കുവെച്ച് താരം എത്തിയിരുന്നു. ചില സിനിമകളിലും ഋതുമന്ത്ര അഭിനയിച്ചിട്ടുണ്ട്. മോഡല് രഗംത്തും തിളങ്ങിയിട്ടുണ്ട് ഈ താരം.
ബിഗ് ബോസ് വീട്ടില് മിന്നുന്ന പ്രകടനം കാഴ്ചവയ്ക്കുന്നതിനിടയിലും പുറത്തുനിന്ന് ചില വിവാദങ്ങളിലും ഋതു മന്ത്ര പെട്ടു. യുവനടനും മോഡലുമായ ജിയ ഇറാനിയാണ് താനും ഋതുവും പ്രണയത്തിലാണെന്ന് പറഞ്ഞുകൊണ്ട് ഒന്നിച്ചുള്ള നിരവധി ഫോട്ടോ സോഷ്യല് മീഡിയയില് പങ്കുവെച്ചത്.
നിമിഷ നേരം കൊണ്ട് ഇതെല്ലാം വൈറലായിരുന്നു. പുറത്തിറങ്ങിയ ശേഷവും ഇതേക്കുറിച്ച് വ്യക്തമായി ഒന്നും ഋതുമന്ത്ര പറഞ്ഞില്ല. എന്നാല് എവിടെയും തൊടാതെയുള്ള ചില പ്രതികരണങ്ങള് താരം നടത്തുകയും ചെയ്തു.
ഇപ്പോഴിതാ ഋതുവിന്റെ വിവാഹം കഴിഞ്ഞു എന്ന് തോന്നിപ്പിക്കുന്ന തരത്തിലുള്ള ഒരു വീഡിയോ ആണ് സോഷ്യല് മീഡിയയില് എത്തിയിരിക്കുന്നത് .
ക്രിസ്റ്റ്യന് വിവാഹ വേഷത്തില് വരനൊപ്പം ബൊക്കയും പിടിച്ച് പടിക്കെട്ടുകള് കയറി വരുന്ന ഋതുവിന്റെ വീഡിയോയാണ് ഇപ്പോള് സോഷ്യല് മീഡിയയില് പ്രചരിക്കുന്നത്. ഇളം റോസ് നിറത്തിലുള്ള സിരിയും അതിനോടിണങ്ങുന്ന ആഭരണങ്ങളുമാണ് ഋതു അണിഞ്ഞിരിക്കുന്നത്. വരനും ഇതേ നിറത്തിലള്ള സ്യൂട്ടാണ് ധരിച്ചത്.
ഇത് കല്യാണമല്ലെന്നും ബ്രൈഡല് ലുക്കിലുള്ള ഫോട്ടോഷൂട്ടാണെന്നും ഉള്ള റിപ്പോര്ട്ട് ആണ് ലഭിച്ചത് . ഒരുപക്ഷേ പരസ്യ ചിത്രത്തിന് വേണ്ടിയുള്ള മേക്കപ്പാകാനാണ് സാധ്യത. അതേസമയം ഋതുവിന്റെ സോഷ്യല് മീഡിയ അക്കൗണ്ടുകളിലൊന്നും വിവാഹത്തെക്കിറിച്ച് ഒന്നും പറഞ്ഞിട്ടില്ല.
Content Highlight: 'I don't want your husband'; Sunny Leone
