രജനികാന്ത് നായകനാകുന്ന പുതിയ ചിത്രം സംവിധാനം ചെയ്യുന്നത് നെല്സണാണ്. തലൈവര് 169 എന്നാണ് ചിത്രത്തിന് താല്ക്കാലികമായി പേരിട്ടിരിക്കുന്നു. തലൈവര് 169 ചിത്രത്തിന്റെ വിശേഷങ്ങള് ഓണ്ലൈനില് തരംഗമാകുന്നുണ്ട്. ഇപ്പോഴിതാ രജനികാന്ത് നായകനാകുന്ന ചിത്രത്തിലെ നായികയാകാൻ ഐശ്വര്യ റായ് വിസമ്മതിച്ചുവെന്ന വാര്ത്തകളാണ് പുറത്തുവരുന്നത് (Thalaivar 169).
തലൈവര് 169 പ്രഖ്യാപിക്കപ്പെട്ടപ്പോള് ചിത്രത്തിലെ നായികയായി പറഞ്ഞുകേട്ടത് ഐശ്വര്യ റായ്യുടെ പേരായിരുന്നു. എന്നാല് രജിനികാന്തിന്റ പുതിയ ചിത്രത്തില് ഐശ്വര്യ റായ് നായികയായേക്കില്ല എന്ന വാര്ത്തകളാണ് ഇപ്പോള് പുറത്തുവരുന്നത്. തലൈവര് 169ലെ അഭിനേതാക്കളുടെ വിവരങ്ങള് വൈകാതെ പ്രഖ്യാപിക്കും.
നെല്സണ് ഏറ്റവും ഒടുവില് സംവിധാനം ചെയ്ത ബീസ്റ്റ് പ്രതീക്ഷകള്ക്കൊത്ത് ഉയരാത്തതിനാല് സംവിധായകനെ മാറ്റുമെന്ന് വാര്ത്തകള് വന്നിരുന്നെങ്കിലും ഇക്കാര്യം വാസ്തവമല്ലെന്ന് പിന്നീട് വ്യക്തമായിരുന്നു. കലാനിധി മാരനാണ് ചിത്രം നിര്മിച്ചത്.
സണ് പിക്ചേഴ്സിന്റെ ബാനറിലാണ് ചിത്രത്തിന്റെ നിര്മാണം. എഡിറ്റിംഗ് ആര് നിര്മ്മല്. അനിരുദ്ധ് ആണ് ചിത്രത്തിന്റെ സംഗീത സംവിധായകൻ.
Aishwarya Rai Bachchan says 'No' to Rajinikanth movie
