---
title: "മരത്തിനുമുകളിൽ ഒരു സ്വപ്നക്കൂട്; കഫേ ഉടമയായി നടൻ ഹരീഷ് ഉത്തമൻ!"
english_title: "Actor Harish Uthaman as a cafe owner"
publisher: "moviemax.in"
canonical_url: "https://moviemax.in/news/348447/actor-harish-uthaman-as-a-cafe-owner"
published_at: "2026-03-18T16:37:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/69ba878789621_22.jpg"
keywords: []
---

# മരത്തിനുമുകളിൽ ഒരു സ്വപ്നക്കൂട്; കഫേ ഉടമയായി നടൻ ഹരീഷ് ഉത്തമൻ!

> **Lead Summary:** **[ **സിനിമയിലെ തിരക്കുകൾക്കിടയിലും തന്റെയുള്ളിലെ പഴയൊരു സ്വപ്നത്തിന് ചിറകുനൽകിയിരിക്കുകയാണ് നടൻ ഹരീഷ് ഉത്തമൻ. അഭിനയരംഗത്തേക്ക് എത്തുന്നതിനും എത്രയോ മുൻപ്, അതായത് 2008 മുതൽ മനസ്സിൽ കൊണ്ടുനടന്ന ഒരു കഫേ എന്ന ആഗ്രഹം തമിഴ്‌നാട്ടിലെ ഓറോവില്ലിനടുത്ത് യാഥാർത്ഥ്യമാക്കിയിരിക്കുകയാണ് താരം.

## Article Content

**[ **സിനിമയിലെ തിരക്കുകൾക്കിടയിലും തന്റെയുള്ളിലെ പഴയൊരു സ്വപ്നത്തിന് ചിറകുനൽകിയിരിക്കുകയാണ് നടൻ ഹരീഷ് ഉത്തമൻ. അഭിനയരംഗത്തേക്ക് എത്തുന്നതിനും എത്രയോ മുൻപ്, അതായത് 2008 മുതൽ മനസ്സിൽ കൊണ്ടുനടന്ന ഒരു കഫേ എന്ന ആഗ്രഹം തമിഴ്‌നാട്ടിലെ ഓറോവില്ലിനടുത്ത് യാഥാർത്ഥ്യമാക്കിയിരിക്കുകയാണ് താരം.

പ്രകൃതിയോട് ഇണങ്ങി നിൽക്കുന്ന 'ട്രീ ടോപ്പ് കഫേ' എന്ന ഈ സംരംഭം, പേര് സൂചിപ്പിക്കുന്നത് പോലെ തന്നെ ഒരു കൂറ്റൻ മരത്തിന് മുകളിലാണ് ഒരുക്കിയിരിക്കുന്നത്. 19.3 മീറ്റർ ഉയരത്തിൽ സ്ഥിതി ചെയ്യുന്ന ഈ കഫേ, ഒരുപക്ഷേ ഇത്തരത്തിലുള്ള ലോകത്തിലെ തന്നെ ഏറ്റവും ഉയരം കൂടിയ ട്രീ-ടോപ്പ് കഫേ ആയിരിക്കാമെന്നാണ് ഹരീഷ് വിശേഷിപ്പിക്കുന്നത്.

കഴിഞ്ഞ ജൂണിൽ സുഹൃത്തായ ശങ്കറുമായി ചേർന്ന് നടത്തിയ ആലോചനകളാണ് ഈ സ്വപ്നത്തിലേക്കുള്ള വഴിതുറന്നത്. പോണ്ടിച്ചേരിയിലെ കീത്ത് ഹൗസ് സന്ദർശിച്ചപ്പോൾ അവിടെ അനുഭവിച്ചറിഞ്ഞ പോസിറ്റീവ് എനർജിയും കാഴ്ചപ്പാടുകളുമാണ് ഇത്തരമൊരു സംരംഭത്തിന് തുടക്കമിടാൻ ഹരീഷിന് പ്രചോദനമായത്.

2026 മാർച്ച് 14-ന് പ്രവർത്തനം ആരംഭിച്ച ഈ കഫേയുടെ നിർമ്മാണത്തിന് പിന്നിൽ ഫിലിപ്പ് ക്ലിങ് സ്‌പൈസ് എന്ന ഡിസൈനറുടെ കരവിരുതുണ്ട്. രാവിലെ എട്ട് മണി മുതൽ രാത്രി എട്ട് വരെ പ്രവർത്തിക്കുന്ന കഫേയിൽ ഇതിനോടകം തന്നെ നിരവധി വിദേശികളടക്കമുള്ള സഞ്ചാരികൾ എത്തിത്തുടങ്ങിയിട്ടുണ്ട്.

തന്റെ കരിയറിലെ മാറ്റങ്ങൾക്കിടയിലും ക്ഷമയോടെ കാത്തിരുന്ന ഈ സ്വപ്നം സഫലമായതിന്റെ സന്തോഷം പങ്കുവെക്കുമ്പോൾ, കൂടെ നിന്ന സുഹൃത്തുക്കൾക്കും പങ്കാളിയായ ചിന്നുവിനും മെന്റർമാർക്കും ഹരീഷ് നന്ദി പറയാൻ മറന്നില്ല.

വെറുമൊരു കഫേ എന്നതിലുപരി, വർഷങ്ങളായുള്ള കാത്തിരിപ്പിന്റെയും പ്രകൃതിയോടുള്ള ആദരവിന്റെയും അടയാളമായാണ് ഹരീഷ് ഇതിനെ കാണുന്നത്. പോണ്ടിച്ചേരിയിലെത്തുന്നവർ മരങ്ങൾക്കിടയിലെ ഈ പച്ചപ്പും ശാന്തതയും അനുഭവിച്ചറിയാൻ വരണമെന്നും അദ്ദേഹം സ്നേഹപൂർവ്വം ക്ഷണിക്കുന്നു.

### Related Links & Sources
- [Original Story Source](https://moviemax.in/news/348447/actor-harish-uthaman-as-a-cafe-owner)