പുലർച്ചെ പിക്കപ്പ് വാഹനത്തിൽ പോയത് എങ്ങോട്ട്?; പാലക്കാട് മൂന്നംഗ കുടുംബത്തെ നാല് ദിവസമായി കാണാനില്ല , അന്വേഷണം ഊർജിതം

പാലക്കാട്: (https://truevisionnews.com/) പാലക്കാട് മൂന്നംഗ കുടുംബത്തെ നാല് ദിവസമായി കാണാനില്ലെന്ന് പരാതി. പാലക്കാട് വാണിയംകുളം സ്വദേശികളായ കൃഷ്ണകൃപ വീട്ടിൽ ബാബു ഭാസ്കർ (68), ഭാര്യ രമാദേവി (65), മകൻ വിഷ്ണു (32) എന്നിവരെയാണ് കാണാതായത്. ബന്ധുക്കളുടെ പരാതിയില്‍ ഷൊർണൂർ പൊലീസ് കേസടുത്ത് അന്വേഷണം ആരംഭിച്ചു.

കഴിഞ്ഞ നാല് ദിവസമായി ഇവരുടെ വീട് പൂട്ടിയിട്ട നിലയിലാണ്. ഫോണിൽ ബന്ധപ്പെടാൻ ശ്രമിച്ചെങ്കിലും സാധിക്കാതെ വന്നതോടെ ബന്ധുക്കൾ അയൽവാസികളെ അറിയിക്കുകയും തുടർന്ന് പോലീസിൽ പരാതി നൽകുകയുമായിരുന്നു. അന്വേഷണത്തിന്റെ ഭാഗമായി പോലീസ് നടത്തിയ സിസിടിവി പരിശോധനയിൽ, വ്യാഴാഴ്ച പുലർച്ചെ ഇവരുടെ പിക്കപ്പ് വാഹനം വീട്ടിൽ നിന്നും പുറത്തേക്ക് പോകുന്ന ദൃശ്യങ്ങൾ ലഭിച്ചിട്ടുണ്ട്.

മൂന്നുപേരും ഈ വാഹനത്തിലാകാം യാത്ര തിരിച്ചതെന്ന് പോലീസ് സംശയിക്കുന്നു. ഇവരുടെ കൈവശമുള്ള മൊബൈൽ ഫോണുകൾ എല്ലാം സ്വിച്ച് ഓഫ് ആണ്. മൊബൈൽ ഫോൺ ടവർ ലൊക്കേഷൻ പരിശോധിച്ചതിൽ വീട് സ്ഥിതി ചെയ്യുന്ന പനയൂർ തന്നെയാണ് അവസാന ലൊക്കേഷൻ കാണുന്നതെന്ന് പൊലീസ് പറഞ്ഞു.

Also read: ഇത് റീ റിക്കാർഡ് ചെയ്തവയാണോ? ' ഇല്ലെ, കൊഞ്ചം സൗണ്ട് വേലകൾ എനക്കും തെരിയും' അമ്മ ചിരിച്ചു; ജാനകിയമ്മയുടെ ഓർമയിൽ വേണുഗോപാൽ

Content Highlight: Palakkad Family Of 3 Missing From Vaniyamkulam, Police Launch Investigation

#Palakkad News #Missing Family #Shornur Police #CCTV Footage #Kerala Missing Case