#Latest News #Kottayam #Lorry Catches Fire
കോട്ടയം: (truevisionnews.com) കടുത്തുരുത്തിയിൽ ഓടിക്കൊണ്ടിരുന്ന കണ്ടെയ്നർ ലോറിക്ക് തീപിടിച്ച് ലക്ഷങ്ങളുടെ നഷ്ടം. ബൈപ്പാസ് റോഡിലൂടെ ഏറ്റുമാനൂരിൽ നിന്ന് കോഴിക്കോട്ടേക്ക് പോവുകയായിരുന്ന ലോറിക്കാണ് ഇന്ന് രാവിലെ 8.45-ഓടെ തീപിടിച്ചത്.
ലോറിയുടെ പിൻഭാഗവും അതിനുള്ളിൽ കൊണ്ടുപോവുകയായിരുന്ന 1.38 കോടി രൂപ വിലമതിക്കുന്ന ബെൻസ് കാറും പൂർണമായും കത്തിനശിച്ചു. അപകടത്തിൽ ആർക്കും പരിക്കേറ്റിട്ടില്ല. കടുത്തുരുത്തിയിൽ നിന്ന് ഫയർഫോഴ്സിന്റെ രണ്ട് യൂണിറ്റുകൾ സ്ഥലത്തെത്തിയാണ് തീയണച്ചത്.
ലോറിക്ക് തീപിടിക്കാനുണ്ടായ കാരണം ഇതുവരെ വ്യക്തമായിട്ടില്ല.
Content Highlight: Container lorry catches fire in Kottayam
