ഇതെന്താ ഗുണ്ടായിസമോ? 'കാർ സർവീസ് വൈകിയെന്നാരോപണം'; കോഴിക്കോട് നാദാപുരത്ത് സർവീസ് സെന്ററിൽ കയറി ജീവനക്കാരന് ക്രൂരമർദ്ദനം, പ്രതിക്കായി അന്വേഷണം

കോഴിക്കോട് : ( https://truevisionnews.com/)   നാദാപുരത്ത് കാർ സർവീസ് ചെയ്യാൻ വൈകിയെന്നാരോപിച്ച് സർവീസ് സെന്ററിൽ കയറി അതിക്രമം . മുക്കം ടയേഴ്സ് എന്ന സ്ഥാനത്തിന്റെ ജീവനക്കാരെയാണ് അതിക്രൂരമായി മർദ്ദിച്ചത് .

ഇന്നലെ രാവിലെയാണ് സംഭവം . നാദാപുരത്തെ 'മുക്കം ടയേഴ്സ്' എന്ന സ്ഥാപനത്തിലെ ജീവനക്കാരനായ സൗരവിനാണ് അക്രമത്തിൽ ഗുരുതരമായി പരിക്കേറ്റത്. മർദ്ദനത്തിൽ മൂക്കിന്റെ മുട്ടുപാലം തകർന്ന സൗരവ് നിലവിൽ ചികിത്സയിലാണ്. ക്രൂരമായ മർദ്ദനത്തിന്റെ സിസിടിവി ദൃശ്യങ്ങളാണ് പുറത്തുവന്നിട്ടുള്ളത് .

ടയറുമായി ബന്ധപ്പെട്ട ആവശ്യങ്ങൾക്കായാണ് അനസ് എന്നയാൾ നാദാപുരത്തെ 'മുക്കം ടയേഴ്സ്' എന്ന സ്ഥാപനത്തിൽ എത്തിയത്. എന്നാൽ തനിക്ക് ശേഷം വന്നവർക്ക് ആദ്യം സർവീസ് നൽകിയെന്ന് ആരോപിച്ച് ഇയാൾ ജീവനക്കാരുമായി വാക്കുതർക്കത്തിൽ ഏർപ്പെടുകയായിരുന്നു.

Also read: 'പേര് കേട്ടാൽ മുസ്ലീങ്ങളെ പോലെ ഇരിക്കുന്നുവെന്ന് ടീച്ചർ പറഞ്ഞു, അങ്ങനെ കുമാർ ചേർത്ത് എന്നെ ഹിന്ദുവാക്കി'- പേരിന് പിന്നിലെ രസകരമായ കഥ ഇതാണ് ...

തുടർന്ന് പ്രകോപിതനായ അനസും കൂടെയുണ്ടായിരുന്ന സുഹൃത്തുക്കളും സംഘം ചേർന്ന് സ്ഥാപനത്തിലെ ജീവനക്കാരെ ക്രൂരമായി അക്രമിക്കുകയായിരുന്നു. സംഭവത്തിൽ അതിക്രമം നടത്തിയ അനസ് എന്നയാൾക്കെതിരെ നാദാപുരം പോലീസ് കേസെടുത്ത് അന്വേഷണം ഊർജിതമാക്കി.  

Content Highlight: Car service delayed, service center employee brutally beaten up in Nadapuram, Kozhikode

#Car Service Delayed #Service Center #Employee #Brutally Beaten Up #Nadapuram #Kozhikode #PoliceCase