കോഴിക്കോട് : (truevisionnews.com) കാക്കൂർ സ്വദേശിയായ യുവാവ് മൈസൂരുവിലെ ആശുപത്രിയിൽ ചികിത്സയിലിരിക്കെ അന്തരിച്ചു. ബംഗളൂരുവിലേക്ക് പോവുകയായിരുന്ന ബസ് കാറിന് പിന്നിലിടിച്ചുണ്ടായ അപകടത്തിൽ പരിക്കേറ്റ കാക്കൂർ ഇയ്യംകോട്ടുമ്മൽ വീട്ടിൽ അഭിജിത്ത് (20) ആണ് മരിച്ചത്.
കഴിഞ്ഞ തിങ്കളാഴ്ച പുലർച്ചെ മാണ്ഡ്യയിലെ ബുദ്ധന്നൂരിൽ വെച്ചായിരുന്നു നാടിനെ നടുക്കിയ ഈ അപകടം സംഭവിച്ചത്. ബംഗളൂരു ഇലക്ട്രോണിക് സിറ്റിയിലെ ചന്ദാപുരയിൽ മൊബൈൽ ഫോൺ ടെക്നീഷ്യനായി ജോലി ചെയ്യുകയായിരുന്ന അഭിജിത്ത് നാട്ടിൽ നിന്ന് മടങ്ങുമ്പോഴാണ് ദുരന്തം തേടിയെത്തിയത്.
അപകടത്തിൽ പരിക്കേറ്റ ബസ് ക്ലീനറും കാറിലുണ്ടായിരുന്ന യാത്രക്കാരനും നിലവിൽ മാണ്ഡ്യ മെഡിക്കൽ കോളേജ് ആശുപത്രിയിൽ ചികിത്സയിലാണ്. ബാലകൃഷ്ണൻ-സബിത ദമ്പതികളുടെ മകനാണ് അന്തരിച്ച അഭിജിത്ത്. മൃതദേഹം പോസ്റ്റുമോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.
Moidu Haji, a member of the Chelerikomat family, passed away
