മലപ്പുറം: (truevisionnews.com) നിലമ്പൂരിലെ കരുളായിൽ അമ്മായിയമ്മ മരുമകളെ വെട്ടിക്കൊലപ്പെടുത്തിയ വാർത്ത നാടിനെ നടുക്കിയിരിക്കുകയാണ്. കരുളായി സ്വദേശിനിയായ രജീലയാണ് അമ്മായിയമ്മ ശാന്തയുടെ ആക്രമണത്തിൽ കൊല്ലപ്പെട്ടത്.
രജീലയുടെ ഭർത്താവ് വീട്ടിലില്ലാത്ത സമയത്തായിരുന്നു ദാരുണമായ ഈ കൊടുംകൃത്യം നടന്നത്. സംഭവസമയത്ത് രജീലയുടെ രണ്ട് മക്കളും വീട്ടിലുണ്ടായിരുന്നുവെന്നാണ് പോലീസ് നൽകുന്ന പ്രാഥമിക വിവരം.
കൃത്യത്തിന് ശേഷം പ്രതിയായ ശാന്തയെ പോലീസ് കസ്റ്റഡിയിലെടുത്തു. കുടുംബകലഹമാണോ കൊലപാതകത്തിന് പിന്നിലെ കാരണമെന്നത് ഉൾപ്പെടെയുള്ള കാര്യങ്ങളിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.
Mother-in-law hacked daughter-in-law to death in Nilambur
.jpeg)