കൊച്ചി:( www.truevisionnews.com ) പുതിയ മദ്യത്തിന് പേരും ലോഗോയും നിർദ്ദേശിക്കാൻ പൊതുജനങ്ങൾക്ക് അവസരം നൽകിക്കൊണ്ട് പ്രഖ്യാപിച്ച മത്സരം പിൻവലിച്ചതായി മലബാർ ഡിസ്റ്റിലറീസ് കേരള ഹൈക്കോടതിയെ അറിയിച്ചു.
വിദേശമദ്യ ചട്ടങ്ങൾ പ്രകാരം ഓരോ ബ്രാൻഡിനും പേര് രജിസ്റ്റർ ചെയ്യേണ്ടത് അനിവാര്യമാണ്. ഈ പ്രക്രിയയിൽ പരമാവധി സുതാര്യത കൊണ്ടുവരാനാണ് ജനങ്ങളിൽ നിന്ന് നിർദ്ദേശങ്ങൾ തേടിയതെന്ന് കമ്പനി കോടതിയിൽ വ്യക്തമാക്കി.
എന്നാൽ, പൊതുജനങ്ങളിൽ നിന്ന് ലഭിച്ച പേരുകളൊന്നും സ്വീകരിക്കാതെ കമ്പനി സ്വന്തം നിലയിൽ തന്നെ മദ്യത്തിന് പേര് നിശ്ചയിച്ചിട്ടുണ്ട്. മത്സരവുമായി ബന്ധപ്പെട്ട് ഔദ്യോഗികമായി വാർത്താക്കുറിപ്പ് മാത്രമാണ് നൽകിയതെന്നും മറ്റും കമ്പനി അധികൃതർ കോടതിയെ ബോധിപ്പിച്ചു.
Malabar Distilleries files explanation in High Court after liquor naming competition was abandoned
