തൃശൂര്: (https://truevisionnews.com/) വാഹന പരിശോധനയ്ക്കിടെ സബ് ഇൻസ്പെക്ടറെ സ്കൂട്ടറിടിച്ച് വീഴ്ത്തി പരിക്കേൽപ്പിച്ച കേസിലെ പ്രതിയെ പോലീസ് അറസ്റ്റ് ചെയ്തു. വെങ്ങാനല്ലൂർ ചോലപ്പറമ്പിൽ വിഷ്ണുവിനെ (39) ആണ് ചേലക്കര പോലീസ് പിടികൂടിയത്.
കഴിഞ്ഞ ഞായറാഴ്ച ഉച്ചയോടെയായിരുന്നു സംഭവം നടന്നത്. ഡ്യൂട്ടിയിലുണ്ടായിരുന്ന എസ്.ഐ. ജോളി സെബാസ്റ്റ്യനെ വെങ്ങാനെല്ലൂരില് വെച്ച് വാഹനം ഇടിച്ച് വീഴ്ത്തിയ ശേഷം നിര്ത്താതെ പോയ പ്രതിക്കായി പൊലീസ് തിരച്ചില് ഊര്ജ്ജിതമാക്കിയിരുന്നു.
സിസിടിവി ദൃശ്യങ്ങളും വാഹന നമ്പറും കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പ്രതി പിടിയിലായത്. ഔദ്യോഗിക കൃത്യനിര്വ്വഹണം തടസപ്പെടുത്തല് ഉള്പ്പെടെയുള്ള വകുപ്പുകള് പ്രകാരമാണ് കേസ് എടുത്തിട്ടുള്ളത്.
Case of SI being hit by scooter; Suspect arrested
.jpeg)
