കൊച്ചി:( www.truevisionnews.com ) സർക്കാർ, അർധസർക്കാർ സ്ഥാപനങ്ങളിൽ ജോലി ചെയ്യുന്ന താൽക്കാലിക ജീവനക്കാരെ സ്ഥിരപ്പെടുത്താൻ ലക്ഷ്യമിട്ട് ചീഫ് സെക്രട്ടറി പുറപ്പെടുവിച്ച ഉത്തരവ് ഹൈക്കോടതി തടഞ്ഞു. കോടതിയുടെ മുൻ ഉത്തരവുകളെ മറികടന്നാണ് ചീഫ് സെക്രട്ടറി ഇത്തരമൊരു നിർദ്ദേശം നൽകിയതെന്ന ഹർജിക്കാരുടെ വാദം പരിഗണിച്ചാണ് ജസ്റ്റിസ് ഉത്തരവ് സ്റ്റേ ചെയ്തത്. ജനുവരി മൂന്നിനാണ് ജീവനക്കാരെ സ്ഥിരപ്പെടുത്തുന്നത് സംബന്ധിച്ച വിവാദ ഉത്തരവ് പുറത്തിറങ്ങിയത്.
തിരഞ്ഞെടുപ്പ് അടുത്ത ഘട്ടത്തിൽ താൽക്കാലിക ജീവനക്കാരെ കൂട്ടത്തോടെ സ്ഥിരപ്പെടുത്തുന്നത് നിയമവിരുദ്ധമാണെന്ന് ഹൈക്കോടതി നേരത്തെ തന്നെ വ്യക്തമാക്കിയിരുന്നു. ഈ നിലപാടിന് വിരുദ്ധമായാണ് ചീഫ് സെക്രട്ടറിയുടെ പുതിയ ഉത്തരവെന്ന് കോടതി നിരീക്ഷിച്ചു. ചട്ടങ്ങൾ പാലിക്കാതെയും കൃത്യമായ നടപടിക്രമങ്ങൾ ഇല്ലാതെയും ജീവനക്കാരെ സ്ഥിരപ്പെടുത്തുന്നത് ഭരണഘടനാ വിരുദ്ധമാണെന്ന ഹർജിക്കാരുടെ വാദം ശരിവെച്ചാണ് കോടതിയുടെ നിർണ്ണായക ഇടപെടൽ.
High Court stays order to make temporary employees permanent in government and semi-government institutions
