കൊച്ചി: [moviemax.in] മലയാള സിനിമയിൽ വീണ്ടും ഒരു 100 കോടി വിസ്മയം. നിവിൻ പോളിയെ നായകനാക്കി അഖിൽ സത്യൻ സംവിധാനം ചെയ്ത ഫാന്റസി ഹൊറർ കോമഡി ചിത്രം 'സർവ്വം മായ' ആഗോള ബോക്സ് ഓഫീസിൽ 100 കോടി ക്ലബ്ബിൽ ഇടംപിടിച്ചു.
ക്രിസ്മസ് റിലീസായി ഡിസംബർ 25-ന് എത്തിയ ചിത്രം വെറും പത്ത് ദിവസത്തിനുള്ളിലാണ് ഈ ചരിത്രനേട്ടം കൈവരിച്ചത്. പ്രേക്ഷകർ ഏറെ ആഗ്രഹിച്ച ആ പഴയ 'നിവിൻ പോളി ടച്ച്' ചിത്രത്തിലുടനീളം കാണാമെന്നാണ് സിനിമാ പ്രേമികളുടെ അഭിപ്രായം.
ബുക്ക് മൈ ഷോ ഉൾപ്പെടെയുള്ള ടിക്കറ്റ് ബുക്കിംഗ് പ്ലാറ്റ്ഫോമുകളിൽ വൻ കുതിപ്പാണ് ചിത്രം തുടരുന്നത്. 'പാച്ചുവും അത്ഭുതവിളക്കും' എന്ന ഹിറ്റിന് ശേഷം അഖിൽ സത്യൻ ഒരുക്കിയ ഈ ചിത്രം സംവിധായകന്റെ മികവ് ഒരിക്കൽ കൂടി തെളിയിക്കുന്നു.
മലയാളികളുടെ പ്രിയപ്പെട്ട നിവിൻ പോളി-അജു വർഗീസ് കൂട്ടുകെട്ട് ഒന്നിക്കുന്ന പത്താമത്തെ ചിത്രം എന്ന പ്രത്യേകതയും 'സർവ്വം മായ'യ്ക്കുണ്ട്. നിവിൻ-അജു കോമ്പോയുടെ തകർപ്പൻ ഹ്യൂമർ രംഗങ്ങൾ തിയറ്ററുകളെ പൂരപ്പറമ്പാക്കുന്നു. പ്രേക്ഷകരുടെ ഉള്ളുലയ്ക്കുന്ന വൈകാരിക നിമിഷങ്ങൾ കൊണ്ട് ഹൃദയം കീഴടക്കുന്നു.
ഫയർഫ്ളൈ ഫിലിംസിന്റെ ബാനറിൽ അജയ്യ കുമാർ, രാജീവ് മേനോൻ എന്നിവർ ചേർന്നാണ് ചിത്രം നിർമ്മിച്ചത്. ജനാർദ്ദനൻ, രഘുനാഥ് പലേരി, മധു വാര്യർ, അൽത്താഫ് സലിം, പ്രീതി മുകുന്ദൻ തുടങ്ങിയ വലിയ താരനിര തന്നെ ചിത്രത്തിലുണ്ട്.
ഛായാഗ്രഹണം: ശരൺ വേലായുധൻ,എഡിറ്റിംഗ്: അഖിൽ സത്യൻ, രതിൻ രാധാകൃഷ്ണൻ,വസ്ത്രാലങ്കാരം: സമീറ സനീഷ്, കലാസംവിധാനം: അജി കുറ്റിയാണി, അഖിൽ സത്യന്റെ തിരക്കഥയും സംവിധാനവും നിവിൻ പോളിയുടെ തിരിച്ചുവരവും ചേർന്നപ്പോൾ 2024-ലെ ഏറ്റവും വലിയ വിജയങ്ങളിലൊന്നായി 'സർവ്വം മായ' മാറിക്കഴിഞ്ഞു.
'Sarvam Maya' shines in 100 crores
