(moviemax.in) മോഹൻലാൽ ആരാധകർക്ക് ആവേശം പകർന്നുകൊണ്ട്, അദ്ദേഹത്തിന്റെ പുതിയ ചിത്രം 'ഹൃദയപൂർവ്വം' ബോക്‌സ് ഓഫീസിൽ തരംഗമാകുന്നു. സിനിമ നേടിയ വമ്പൻ വിജയത്തിന് നന്ദി അറിയിച്ചുകൊണ്ട് മോഹൻലാൽ സമൂഹമാധ്യമങ്ങളിൽ പങ്കുവെച്ച വീഡിയോ ഇപ്പോൾ വൈറലായിരിക്കുകയാണ്. മോഹൻലാലിന്റെ അഭിനയ മികവും, മികച്ച കഥയും, സാങ്കേതിക തികവും ഒരുമിച്ചപ്പോൾ 'ഹൃദയപൂർവ്വം' പ്രേക്ഷകരെ ആകർഷിച്ചു. അദ്ദേഹത്തിന്റെ വാക്കുകൾ ഏറ്റെടുത്ത ആരാധകർ സമൂഹമാധ്യമങ്ങളിൽ ആഘോഷം തുടരുകയാണ്.
സിനിമ റിലീസായി ദിവസങ്ങൾക്കുള്ളിൽ തന്നെ മികച്ച പ്രതികരണം നേടിയതിൽ സന്തോഷം പ്രകടിപ്പിച്ചുകൊണ്ടാണ് മോഹൻലാൽ ആരാധകരുടെ മുന്നിലെത്തിയത്. "ഹൃദയപൂർവ്വം എന്ന ഈ സിനിമയെ ഹൃദയം കൊണ്ട് സ്വീകരിച്ച എല്ലാ പ്രേക്ഷകർക്കും എൻ്റെ ഹൃദയം നിറഞ്ഞ നന്ദി" എന്ന് അദ്ദേഹം പറഞ്ഞു. സിനിമയ്ക്ക് ലഭിക്കുന്ന നല്ല അഭിപ്രായങ്ങളും സ്നേഹവും തന്നെ ഒരുപാട് സന്തോഷിപ്പിക്കുന്നുവെന്നും അദ്ദേഹം കൂട്ടിച്ചേർത്തു.
നിലവിൽ അമേരിക്കയിൽ ഓണാഘോഷങ്ങളിൽ പങ്കെടുക്കുന്ന ലാലേട്ടൻ, അവിടുന്ന് തന്നെയാണ് ഈ വീഡിയോ സന്ദേശം പങ്കുവെച്ചത്. ലോകമെമ്പാടുമുള്ള മലയാളികൾക്ക് അദ്ദേഹം ഓണാശംസകളും നേർന്നു. ഈ ഓണത്തിന് പ്രേക്ഷകർക്ക് ലഭിച്ച ഏറ്റവും മികച്ച സമ്മാനങ്ങളിലൊന്നാണ് 'ഹൃദയപൂർവ്വം' എന്ന സിനിമയെന്നാണ് ഉയരുന്ന അഭിപ്രായങ്ങള്‍. കുടുംബപ്രേക്ഷകർക്ക് ഒരുമിച്ച് തിയേറ്ററിൽ പോയി ആസ്വദിക്കാൻ പറ്റിയ ഒരു സിനിമയാണ് ഇതെന്നും അഭിപ്രായങ്ങളുണ്ട്.
സത്യൻ അന്തിക്കാട് സംവിധാനം ചെയ്ത ഈ ചിത്രം, ഹൃദയം മാറ്റിവെക്കൽ ശസ്ത്രക്രിയയ്ക്ക് വിധേയനായ സന്ദീപ് ബാലകൃഷ്ണന്‍ എന്ന കഥാപാത്രത്തിന്‍റെ ജീവിതത്തിലൂടെ കഥ പറയുന്നത്. സംഗീത മാധവൻ നായർ, മാളവിക മോഹനൻ,സംഗീത് പ്രതാപ് എന്നിവർ ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. കുടുംബപ്രേക്ഷകരെ ആകർഷിക്കുന്ന കഥാതന്തുവാണ് ഈ സിനിമയുടെ പ്രധാന ആകർഷണം. സിനിമയുടെ ആദ്യ ദിവസത്തെ കളക്ഷനുകൾ തന്നെ ഈ ചിത്രത്തിന്റെ വിജയത്തിന്റെ സൂചന നൽകിയിരുന്നു. ഇത് മോഹൻലാലിൻ്റെ ഈ വർഷത്തെ മൂന്നാമത്തെ ഹിറ്റ് ചിത്രം കൂടിയാണെന്നാണ് റിപ്പോർട്ടുകൾ പറയുന്നത്.
പ്രേക്ഷകര്‍ക്ക് നന്ദി പറഞ്ഞുകൊണ്ട് മോഹന്‍ലാല്‍ പങ്കുവെച്ച വീഡിയോ ആരാധകര്‍ക്ക് വലിയ ആവേശമാണ് നൽകിയിരിക്കുന്നത്. അദ്ദേഹത്തിന്റെ അടുത്ത ചിത്രങ്ങൾക്കായി ആകാംക്ഷയോടെ കാത്തിരിക്കുകയാണ് സിനിമാലോകം.
'My heartfelt gratitude to the audience who accepted the film 'Hrudayapurva' with all their heart'; Mohanlal shares video
