(moviemax.in) റാപ്പര് വേടനെതിരെ വീണ്ടും കേസ്. ഗവേഷക വിദ്യാർഥിനിയുടെ പരാതിയില് എറണാകുളം സെന്ട്രല് പൊലീസ് സ്റ്റേഷനിലാണ് കേസ് രജിസ്റ്റര് ചെയ്തത്. ഐപിസി 294(b),354,354A(1), കേരള പൊലീസ് ആക്ട് 119(a) എന്നീ വകുപ്പുകള് അനുസരിച്ചാണ് കേസ്. സ്ത്രീത്വത്തെ അപമാനിക്കല്, ലൈംഗിക അതിക്രമം, അശ്ലീല പദപ്രയോഗം, സ്ത്രീത്വത്തെ അപകീര്ത്തിപ്പെടുത്തും വിധം ലൈംഗിക ചേഷ്ടകള് കാട്ടിയത് എന്നിവയാണ് വേടനെതിരെയുള്ള കുറ്റങ്ങള്.
മുഖ്യമന്ത്രിയുടെ ഓഫീസില് യുവഗായിക നല്കിയ പരാതി പൊലീസിന് കൈമാറുകയായിരുന്നു. 2021ലാണ് പരാതിക്ക് ആസ്പദമായ സംഭവം നടന്നത്. തൃക്കാക്കര പൊലീസ് രജിസ്റ്റർ ചെയ്ത കേസിൽ വേടൻ്റെ മുൻകൂർ ജാമ്യാപേക്ഷ ഹൈക്കോടതി പരിഗണിക്കുന്നതിനിടെയാണ് പുതിയ കേസ്.
Content Highlight: Another case filed against rapper Vedan
