---
title: "തലമുറകളായി സ്ത്രീകളുടെ സ്ഥാനം നിർണ്ണയിച്ചുവരുന്ന യാഥാസ്ഥിതിക സാമൂഹിക ആചാരങ്ങളെ വിമർശിക്കുന്ന ചിത്രം; ‘പർദ’; ട്രെയിലർ പുറത്ത്"
english_title: "The trailer of 'Parda' has been released"
publisher: "moviemax.in"
canonical_url: "https://moviemax.in/news/308076/the-trailer-of-parda-has-been-released"
published_at: "2025-08-12T15:32:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/689b1140a07f0_parddha.jpg"
keywords: []
---

# തലമുറകളായി സ്ത്രീകളുടെ സ്ഥാനം നിർണ്ണയിച്ചുവരുന്ന യാഥാസ്ഥിതിക സാമൂഹിക ആചാരങ്ങളെ വിമർശിക്കുന്ന ചിത്രം; ‘പർദ’; ട്രെയിലർ പുറത്ത്

> **Lead Summary:** **** അനുപമ പരമേശ്വരൻ, ദർശന രാജേന്ദ്രൻ,സംഗീത കൃഷ് എന്നിവർ ഒന്നിക്കുന്ന ചിത്രം ‘പർദ’യുടെ ട്രെയിലർ പുറത്തിറങ്ങി.സമൂഹത്തിലെ കാലഹരണപ്പെട്ട ആചാരങ്ങളും സ്ത്രീകളുടെ സ്വാതന്ത്ര്യത്തെ ഇല്ലാതാക്കുന്നതുമാണ് ചിത്രത്തിന്റെ പ്രമേയം.

## Article Content

**** അനുപമ പരമേശ്വരൻ, ദർശന രാജേന്ദ്രൻ,സംഗീത കൃഷ് എന്നിവർ ഒന്നിക്കുന്ന ചിത്രം ‘പർദ’യുടെ ട്രെയിലർ പുറത്തിറങ്ങി.സമൂഹത്തിലെ കാലഹരണപ്പെട്ട ആചാരങ്ങളും സ്ത്രീകളുടെ സ്വാതന്ത്ര്യത്തെ ഇല്ലാതാക്കുന്നതുമാണ് ചിത്രത്തിന്റെ പ്രമേയം.

‘സിനിമാ ബണ്ടി’, ‘ശുഭം’ എന്നീ സിനിമകളിലൂടെ ശ്രദ്ധേയനായ പ്രവീൺ കാണ്ട്രെഗുലയാണ് ‘പർദ’ സംവിധാനം ചെയ്യുന്നത്. മുഖം’പർദ’കൊണ്ട് മറയ്ക്കുന്ന ഒരു പാരമ്പര്യമുള്ള ഗ്രാമത്തിൽ ജീവിക്കുന്ന സുബ്ബു എന്ന പെൺകുട്ടിയുടെ കഥയാണ് ചിത്രം പറയുന്നത്. ദർശന രാജേന്ദ്രൻ്റെയും സംഗീതയുടെയും കഥാപാത്രങ്ങൾ, സുബ്ബുവിനെ കണ്ടുമുട്ടുന്നതോടെ അവളുടെ ജീവിതം എങ്ങനെ മാറുന്നു എന്നും ഈ കണ്ടുമുട്ടൽ അവളുടെ ജീവിതത്തിനു മേലുള്ള നിയന്ത്രണങ്ങളെ ചോദ്യം ചെയ്യാൻ അവളെ പ്രേരിപ്പിക്കുന്നു എന്നും ചിത്രത്തിൻ്റെ ട്രെയിലറിൽ നിന്ന് മനസ്സിലാക്കാം.

തലമുറകളായി സ്ത്രീകളുടെ സ്ഥാനം നിർണ്ണയിച്ചുവരുന്ന ആഴത്തിൽ വേരൂന്നിയ യാഥാസ്ഥിതിക സാമൂഹിക ആചാരങ്ങളെ ചിത്രം വിമർശിക്കുന്നു. അതോടൊപ്പം, ഇത് പ്രതിരോധത്തിന്റെയും പ്രതിസന്ധികളെ അതിജീവിച്ച് മാറ്റങ്ങൾക്കുവേണ്ടി ശബ്ദമുയർത്താനുള്ള ധൈര്യത്തിന്റെയും ആഘോഷം കൂടിയാകുകയാണ്.

വിജയ് ഡോൺകട, ശ്രീനിവാസലു പി വി, ശ്രീധർ മക്കുവ എന്നിവർ ആനന്ദ മീഡിയയുടെ ബാനറിൽ നിർമ്മിക്കുന്ന ഈ ചിത്രത്തിൽ മൃദുൽ സുജിത് സെൻ ഛായാഗ്രഹണവും, ധർമ്മേന്ദ്ര കാക്കറാല എഡിറ്റിങ്ങും നിർവഹിക്കുന്നു. ചിത്രത്തിൽ രാഗ് മയൂർ ഒരു പ്രധാന കഥാപാത്രത്തെ അവതരിപ്പിക്കുന്നു. ഗോപി സുന്ദറാണ് സംഗീതം ഒരുക്കിയിരിക്കുന്നത്. തെലുങ്ക് മാർക്കറ്റിംഗും പി.ആറും വംശി ശേഖറും, മലയാളത്തിലെ മാർക്കറ്റിംഗും കമ്യൂണിക്കേഷനും സ്റ്റോറീസ് സോഷ്യലിന്റെ ഡോ. സംഗീത ജനചന്ദ്രനും കൈകാര്യം ചെയ്യുന്നു.ഓഗസ്റ്റ് 22-ന് ചിത്രം തിയറ്ററുകളിൽ എത്തും.

### Related Links & Sources
- [Original Story Source](https://moviemax.in/news/308076/the-trailer-of-parda-has-been-released)