---
title: "'കാട്ടാളനിലൂടെ' മലയാളത്തിൽ: 'കിൽ' താരം പാർത്ഥ് തീവാരി എത്തുന്നു"
english_title: "'Kill' star Parth Thiwari arrives in Malayalam through 'Kaattalan'"
publisher: "moviemax.in"
canonical_url: "https://moviemax.in/news/307210/kill-star-parth-thiwari-arrives-in-malayalam-through-kaattalan"
published_at: "2025-08-08T11:41:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/689595436cf47_opg.jpg"
keywords: []
---

# 'കാട്ടാളനിലൂടെ' മലയാളത്തിൽ: 'കിൽ' താരം പാർത്ഥ് തീവാരി എത്തുന്നു

> **Lead Summary:** **[**മാർക്കോ എന്ന ഹിറ്റ് ചിത്രത്തിന് ശേഷം ക്യൂബ്സ് എൻ്റർടെയ്ൻമെൻ്റ്സിൻ്റെ ബാനറിൽ ആൻ്റണി വർഗീസ് പെപ്പെ നായകനാകുന്ന പുതിയ ചിത്രം 'കാട്ടാളൻ' വരുന്നു. നവാഗതനായ പോൾ ജോർജ്ജ് സംവിധാനം ചെയ്യുന്ന ഈ ചിത്രം നിർമ്മിക്കുന്നത് ഷരീഫ് മുഹമ്മദാണ്. ബോളിവുഡിലെ ശ്രദ്ധേയമായ വയലൻസ് ചിത്രം 'കില്ലിലൂടെ' സിദ്ധി എന്ന ക്രൂരനായ കഥാപാത്രത്തെ അവതരിപ്പിച്ച് ശ്രദ്ധേയനായ പാർത്ഥ് തീവാരി 'കാട്ടാളനി'ലൂടെ മലയാളത്തിൽ അരങ്ങേറ്റം കുറിക്കുന്നു. ചിത്രത്തിൽ ഞെട്ടിക്കുന്ന ഒരു വേഷത്തിലാകും താരം എത്തുക.

## Article Content

**[**മാർക്കോ എന്ന ഹിറ്റ് ചിത്രത്തിന് ശേഷം ക്യൂബ്സ് എൻ്റർടെയ്ൻമെൻ്റ്സിൻ്റെ ബാനറിൽ ആൻ്റണി വർഗീസ് പെപ്പെ നായകനാകുന്ന പുതിയ ചിത്രം 'കാട്ടാളൻ' വരുന്നു. നവാഗതനായ പോൾ ജോർജ്ജ് സംവിധാനം ചെയ്യുന്ന ഈ ചിത്രം നിർമ്മിക്കുന്നത് ഷരീഫ് മുഹമ്മദാണ്. ബോളിവുഡിലെ ശ്രദ്ധേയമായ വയലൻസ് ചിത്രം 'കില്ലിലൂടെ' സിദ്ധി എന്ന ക്രൂരനായ കഥാപാത്രത്തെ അവതരിപ്പിച്ച് ശ്രദ്ധേയനായ പാർത്ഥ് തീവാരി 'കാട്ടാളനി'ലൂടെ മലയാളത്തിൽ അരങ്ങേറ്റം കുറിക്കുന്നു. ചിത്രത്തിൽ ഞെട്ടിക്കുന്ന ഒരു വേഷത്തിലാകും താരം എത്തുക.

പാർത്ഥിനെ കാട്ടാളന്‍റെ ലോകത്തേക്ക് സ്വാഗതം ചെയ്തിരിക്കുകയാണ് ക്യൂബ്സ് എന്‍റർടെയ്ൻമെന്‍റ്സ്. 'ക്രൂരൻ വേഷങ്ങളിലൂടെ ഞെട്ടിക്കാറുള്ള പാര്‍ത്ഥ് തിവാരിയെ കാട്ടാളന്‍റെ ലോകത്തേക്ക് സ്വാഗതം ചെയ്യുന്നു. രക്തരൂക്ഷിതമായ ആക്ഷന്‍ ത്രില്ലര്‍ ചിത്രമായ 'കിൽ'- ൽ നിന്ന്, തന്‍റെ അത്യുഗ്രമായ സ്‌ക്രീന്‍ പ്രസൻസും തീവ്രതയുമുള്ള ഭാവപ്പകർച്ചയുമായി പാര്‍ത്ഥ് തിവാരി ഇനി 'കാട്ടാളനി'ലേക്ക് ചുവടുവെക്കുകയാണ്' -ഇൻസ്റ്റഗ്രാമിൽ ക്യൂബ്സ് എന്‍റർടെയ്ൻമെന്‍റ്സ് അദ്ദേഹത്തിന്‍റെ വരവറിയിച്ചുകൊണ്ട് കുറിച്ചിരിക്കുകയാണ്.

ആന്‍റണി വർഗീസ് പെപ്പെ നായകനായെത്തുന്ന ചിത്രത്തിൽ നായികയായെത്തുന്നത് രജിഷ വിജയനാണ്. മലയാളത്തിൽ നിന്നുള്ളവരും പാൻ ഇന്ത്യൻ താരങ്ങളും അടക്കം വലിയൊരു താരനിരയാണ് ചിത്രത്തിൽ ഒരുമിക്കുന്നത്. പാൻ ഇന്ത്യൻ താരങ്ങളായ സുനിൽ, കബീർ ദുഹാൻ സിങ് എന്നിവരേയും ജഗദീഷ്, സിദ്ധിഖ്, ആൻസൺ പോള്‍, രാജ് തിരൺദാസു, ഷോൺ ജോയ് തുടങ്ങിയ ശ്രദ്ധേയ താരങ്ങളേയും റാപ്പർ ബേബി ജീനിനേയും ഹനാൻ ഷായേയും ചിത്രത്തിലേക്ക് സ്വാഗതം ചെയ്തുകൊണ്ട് അടുത്തിടെ പോസ്റ്ററുകള്‍ എത്തിയിരുന്നത് വലിയ ശ്രദ്ധ നേടിയിരുന്നു.

ചിത്രത്തിൽ പെപ്പെ തന്‍റെ യഥാർത്ഥ പേരായ 'ആന്‍റണി വർഗീസ്' എന്ന പേരിൽ തന്നെയാണ് എത്തുന്നത്. ഓങ്-ബാക്ക് 2, ബാഹുബലി-2: കൺക്ലൂഷൻ, ജവാൻ, ബാഗി 2, പൊന്നിയൻ സെൽവൻ പാർട്ട് 1 തുടങ്ങിയ ശ്രദ്ധേയ സിനിമകൾക്ക് ആക്ഷൻ ഒരുക്കിയ ലോക പ്രശസ്തനായ സ്റ്റണ്ട് കോറിയോഗ്രഫർ കെച്ച കെംബഡികെ ആണ് ചിത്രത്തിൽ ആക്ഷനൊരുക്കാനായി എത്തുന്നത്.

പാൻ ഇന്ത്യൻ ലെവൽ ആക്ഷൻ ത്രില്ലർ മാസ്സ് ചിത്രത്തിൽ കന്നഡയിലെ ശ്രദ്ധേയ സംഗീത സംവിധായകൻ അജനീഷ് ലോക്നാഥാണ് സംഗീതമൊരുക്കുന്നത്. 'കാന്താര ചാപ്റ്റർ 2'വിന് ശേഷം അജനീഷ് സംഗീതമൊരുക്കുന്ന ചിത്രമെന്ന പ്രത്യേകതയും കാട്ടാളനുണ്ട്. സിനിമയിലെ സംഭാഷണം ഒരുക്കുന്നത് ഉണ്ണി ആറാണ്. എഡിറ്റിംഗ് നിർവ്വഹിക്കുന്നത് മലയാളത്തിലെ ശ്രദ്ധേയനായ എഡിറ്റർ ഷമീർ മുഹമ്മദ് ആണ്. ഐഡന്‍റ് ലാബ്സ് ആണ് ടൈറ്റിൽ ഗ്രാഫിക്സ്.

ശ്രദ്ധേയ ഛായാഗ്രാഹകൻ രെണദേവാണ് ഡി.ഒ.പി. എം.ആർ രാജാകൃഷ്ണനാണ് ഓഡിയോഗ്രഫി, പ്രൊഡക്ഷൻ ഡിസൈനർ: സുനിൽ ദാസ്, ക്രിയേറ്റീവ് പ്രൊഡ്യൂസർ: ഡിപിൽ ദേവ്, എക്സിക്യുട്ടീവ് പ്രൊഡ്യൂസർ: ജുമാന ഷെരീഫ്, പ്രൊഡക്ഷൻ കൺട്രോളർ: ദീപക് പരമേശ്വരൻ, സൗണ്ട് ഡിസൈനർ: കിഷാൻ, കോസ്റ്റ്യൂം: ധന്യ ബാലകൃഷ്ണൻ, മേക്കപ്പ്: റോണക്സ് സേവ്യർ, സ്റ്റിൽസ്: അമൽ സി സദർ, കോറിയോഗ്രാഫർ: ഷെരീഫ്, വിഎഫ്എക്സ്: ത്രീഡിഎസ്, ഡിജിറ്റൽ മാർക്കറ്റിങ്: ഒബ്സിക്യൂറ എൻ്റർടെയ്ൻമെൻ്റ്സ്, പിആർഒ: ആതിര ദിൽജിത്ത്.

### Related Links & Sources
- [Original Story Source](https://moviemax.in/news/307210/kill-star-parth-thiwari-arrives-in-malayalam-through-kaattalan)