( moviemax.in) അരുണാചല് പ്രദേശില് കുത്തിയൊലിക്കുന്ന നദിക്ക് മുകളിലുള്ള താത്കാലിക തൂക്കുപാലത്തിലൂടെ ഒരാൾ സാഹസികമായി പോകുന്ന വീഡിയോ സോഷ്യൽമീഡിയയിൽ വൈറലായി. കേന്ദ്രമന്ത്രി കിരൺ റിജിജു ഈ വീഡിയോ എക്സിൽ പങ്കുവെച്ചു. ലോകത്തിലെ ഏറ്റവും ശക്തമായ മണ്സൂണ് മഴ ലഭിക്കുന്ന അരുണാചലിലാണ് ഈ സംഭവമെന്ന് അദ്ദേഹം കുറിച്ചു.
ഇന്ത്യ, ചൈന, മ്യാന്മര് അതിര്ത്തികളുടെ ത്രിരാഷ്ട്ര സംഗമസ്ഥലമായ അരുണാചലിൽ അന്ജാവ് ജില്ലയിലെ പരമ്പരാഗത തൂക്കുപാലം മുറിച്ചുകടക്കുന്ന ആളുടെ വീഡിയോയാണിത്. ദയവായി ജാഗ്രത പാലിക്കണമെന്നും സര്ക്കാര് ആവശ്യമായ പിന്തുണ നല്കുമെന്നും അദ്ദേഹം കുറിച്ചു. വീഡിയോ താഴെ കാണാം:
https://twitter.com/i/status/1929241222691832112
ഹിമാലയൻ സംസ്ഥാനങ്ങളിൽ കഴിഞ്ഞ ദിവസങ്ങളിൽ ശക്തമായ മഴയും വെള്ളപ്പൊക്കവുമാണ്. സിക്കിമില് കനത്ത മഴയിലും മണ്ണിടിച്ചിലിലും വ്യാപക നാശനഷ്ടമാണ് ഉണ്ടായത്. വടക്കന് സിക്കിമിന്റെ ഭൂരിഭാഗവും ഒറ്റപ്പെട്ട അവസ്ഥയിലായി. ഇവിടങ്ങളില് ഗതാഗതവും പൂര്ണമായും തടസ്സപ്പെട്ടിരിക്കുകയാണ്. ലാച്ചനില് 115 വിനോദസഞ്ചാരികളും ലാച്ചുങ്ങില് 1,350 വിനോദസഞ്ചാരികളും കുടുങ്ങിയിരുന്നു.
Content Highlight: Video man daringly crossing river suspension bridge during mountain flash floods goes viral
