മമ്മൂട്ടി ചിത്രത്തിന് എന്ത് സംഭവിച്ചു? ഡൊമിനിക് ആൻഡ് ദി ലേഡീസ് പേഴ്സ് ഇനിയും ഒ.ടി.ടി.യിൽ എത്തിയില്ല

മമ്മൂട്ടി ചിത്രത്തിന് എന്ത് സംഭവിച്ചു? ഡൊമിനിക് ആൻഡ് ദി ലേഡീസ് പേഴ്സ് ഇനിയും ഒ.ടി.ടി.യിൽ എത്തിയില്ല
May 19, 2025 05:27 PM | By Athira V

മമ്മൂട്ടി എന്ന നടന്റെ കരിയറിലെ മറ്റൊരു സുവർണ്ണ കാലഘട്ടമാണ് അദ്ധേഹത്തിന്റെ കോവിഡ് ബ്രേക്കിന് ശേഷം മലയാള സിനിമ കണ്ടത്. അതിഗംഭീരമായ കുറച്ചധികം നല്ല ചിത്രങ്ങൾക്ക് ശേഷം 2025ൽ മമ്മൂട്ടിയുടേതായി ആദ്യം തീയറ്ററുകളിൽ എത്തിയത് പ്രശസ്ത സംവിധായകൻ ഗൗതം വാസുദേവ് മേനോന്റെ ആദ്യ മലയാളം സംവിധാന സംരംഭമായ ഡൊമിനിക് ആൻഡ് ദി ലേഡീസ് പേഴ്സ് ആണ്. ജനുവരിയിൽ തീയറ്ററിലെത്തിയ ചിത്രം പ്രേക്ഷകരിൽ നിന്ന് തരക്കേടില്ലാത്ത അഭിപ്രായം നേടുകയും, ഒരു ആവറേജ് വിജയമായി മാറുകയും ചെയ്തു. എന്നാൽ, ഡൊമിനിക് ആൻഡ് ദി ലേഡീസ് പേഴ്സ് ഇത് വരെ ഒ.ടി.ടി.യിൽ റിലീസ് ചെയ്തിട്ടില്ല.

ഏറ്റവും പുതിയ റിപോർട്ടുകൾ അനുസരിച്ച്, ഡൊമിനിക് ആൻഡ് ദി ലേഡീസ് പേഴ്സ് എന്ന ചിത്രത്തിന്റെ ഒ.ടി.ടി. സംപ്രേക്ഷണാവകാശം സ്വന്തമാക്കിയിരിക്കുന്നത് ആമസോൺ പ്രൈം വീഡിയോ ആണ്. തീയറ്റർ റിലീസിന് കൃത്യം 40 ദിവസത്തിനുള്ളിൽ ഗൗതം വാസുദേവ് മേനോൻ ചിത്രം ഒ.ടി.ടി. സ്‌ക്രീനുകളിൽ എത്തേണ്ടിയിരുന്നതാണ്. പക്ഷെ, സംപ്രേക്ഷണാവകാശ തുകയെ കുറിച്ചുള്ള തർക്കത്തെ തുടർന്ന് മമ്മൂട്ടിയുടെ കോമഡി ത്രില്ലറിന്റെ ഒ.ടി.ടി. റിലീസ് വൈകുന്നു എന്നാണ് പുതിയ വിവരം. ഡൊമിനിക് ആൻഡ് ദി ലേഡീസ് പേഴ്സ് നിർമ്മിച്ച മമ്മൂട്ടി കമ്പനിയും, ആമസോൺ പ്രൈം വിഡിയോയും തമ്മിൽ ചിത്രത്തിന്റെ കരാർ തുകയെക്കുറിച്ച് ഇപ്പോഴും ഒരു ധാരണയിൽ എത്തിയിട്ടില്ലെന്നാണ് സൂചന.

മലയാള സിനിമകളുടെ കാര്യത്തിൽ ഒ.ടി.ടി. പ്ലാറ്റ്ഫോമുകൾ കാണിക്കുന്ന കടുംപിടിത്തം പല തവണ ഇതിന് മുൻപ് സോഷ്യൽ മീഡിയയിൽ ചർച്ചയായിട്ടുണ്ട്. മറ്റു ഭാഷകളിൽ നിർമ്മിക്കുന്ന ഏറ്റവും മോശം ചിത്രങ്ങൾ പോലും വലിയ തുക കൊടുത്തു സ്വന്തമാക്കാൻ തയ്യാറാവുന്ന ഒ.ടി.ടി. ഭീമന്മാർ പക്ഷെ മലയാള ചിത്രങ്ങളോട് യാതൊരു ഇളവും കാണിക്കാറില്ല. ഏറ്റവും നന്നായി തീയറ്ററിൽ ഓടുന്ന സിനിമകൾക്ക് മാത്രമേ മാന്യമായ തുക പ്രതിഫലമായി നൽകാൻ ഇവർ തയ്യാറാവാറുള്ളു. എത്ര നല്ല പ്രേക്ഷകാഭിപ്രായം നേടിയാലും, ഏത് വലിയ സൂപ്പർതാരം പ്രധാന വേഷത്തിലെത്തിയാലും, മലയാള ചിത്രങ്ങൾ ഒ.ടി.ടി. ഡീലുകൾ സ്വന്തമാക്കാൻ അങ്ങേയറ്റം കഷ്ടപ്പെടുകയാണ്. ഇത് തന്നെയാണ് ഡൊമിനിക് ആൻഡ് ദി ലേഡീസ് പേഴ്സ് എന്ന ചിത്രത്തിനും സംഭവിച്ചത്.


mammootty dominic ladies purse ott release

Next TV

Related Stories
‘അളിയാ ടോയ് ലറ്റ് ഫൈറ്റ് എടുക്കണ്ടേ....?’ ; മെഡിക്കൽ കോളജ് ആശുപത്രി ടോയ്ലറ്റിൽ വീണു കിടന്ന് അഭിനയിച്ച് ശ്രീനാഥ് ഭാസി

May 19, 2025 10:06 AM

‘അളിയാ ടോയ് ലറ്റ് ഫൈറ്റ് എടുക്കണ്ടേ....?’ ; മെഡിക്കൽ കോളജ് ആശുപത്രി ടോയ്ലറ്റിൽ വീണു കിടന്ന് അഭിനയിച്ച് ശ്രീനാഥ് ഭാസി

കോട്ടയം മെഡിക്കൽ കോളജ് ആശുപത്രി ടോയ്ലറ്റിൽ വീണു കിടന്ന് അഭിനയിച്ച് ശ്രീനാഥ്...

Read More >>
Top Stories










News Roundup