---
title: "കരഞ്ഞാൽ കണ്ണീരൊപ്പാൻ 'സുന്ദരന്മാർ' ഓടിയെത്തും; ജീവനക്കാർക്കായി 'ഹാൻസം വീപ്പിംഗ് ബോയ്' സർവീസ്; സംഭവമിങ്ങനെ! "
english_title: "#handsome #weeping #boys #service #ease #stress #workplace #tokyo"
publisher: "moviemax.in"
canonical_url: "https://moviemax.in/news/274766/handsome-weeping-boys-service-ease-stress-workplace-tokyo"
published_at: "2025-03-06T10:02:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/67c925721070c_viral.jpg"
keywords: []
---

# കരഞ്ഞാൽ കണ്ണീരൊപ്പാൻ 'സുന്ദരന്മാർ' ഓടിയെത്തും; ജീവനക്കാർക്കായി 'ഹാൻസം വീപ്പിംഗ് ബോയ്' സർവീസ്; സംഭവമിങ്ങനെ! 

> **Lead Summary:** ** ജീവ**നക്കാരുടെ ജോലിസ്ഥലത്തെ പിരിമുറുക്കം കുറയ്ക്കാനായി സവിശേഷമായ ഒരു സേവന വാഗ്ദാനവുമായി വാർത്തകളിൽ ഇടം പിടിക്കുകയാണ് ഒരു ജപ്പാൻ കമ്പനി. 'ഇകെമെസോ ഡാൻഷി' അഥവാ 'ഹാൻസം വീപ്പിംഗ് ബോയ്' എന്നാണ് ഈ സേവനം അറിയപ്പെടുന്നത്.

## Article Content

** ജീവ**നക്കാരുടെ ജോലിസ്ഥലത്തെ പിരിമുറുക്കം കുറയ്ക്കാനായി സവിശേഷമായ ഒരു സേവന വാഗ്ദാനവുമായി വാർത്തകളിൽ ഇടം പിടിക്കുകയാണ് ഒരു ജപ്പാൻ കമ്പനി. 'ഇകെമെസോ ഡാൻഷി' അഥവാ 'ഹാൻസം വീപ്പിംഗ് ബോയ്' എന്നാണ് ഈ സേവനം അറിയപ്പെടുന്നത്.

ഒരു നിശ്ചിത തുക നൽകിയാൽ ജീവനക്കാർക്ക് അവരുടെ വൈകാരികമായ അവസ്ഥകൾ പങ്കുവയ്ക്കാനും ആശ്വാസം നൽകാനും സുന്ദരനായ ഒരു പങ്കാളിയെ നൽകുകയാണ് ഈ സേവനത്തിലൂടെ ചെയ്യുന്നത്. ജീവനക്കാർക്ക് അവർക്ക് ആവശ്യമുള്ള 'വീപ്പിംഗ് ബോയി'യെ ഓൺലൈനായി തിരഞ്ഞെടുക്കാം. അവർ ജോലിസ്ഥലത്ത് നേരിട്ട് എത്തി വൈകാരിക പിന്തുണ നൽകും.

7,900 യെൻ (ഏകദേശം 4,000 രൂപ) ആണ് ഒരുതവണ ഈ സേവനം ലഭിക്കാനായി നൽകേണ്ട തുക. 'വീപ്പിംഗ് ബോയ്സി'ന്റെ സേവനം ആവശ്യപ്പെട്ടാൽ ഉടനടി അവർ ഓഫീസിൽ നേരിട്ട് എത്തും.

തുടർന്ന് ജോലിസംബന്ധമായ സമ്മർദ്ദങ്ങളെ നേരിടാൻ ജീവനക്കാരെ സഹായിക്കുകയും അവരുടെ കണ്ണുനീർ തുടച്ചും കെട്ടിപ്പിടിച്ചുമൊക്കെ വൈകാരിക പിന്തുണ നൽകുകയും ചെയ്യും.

ഈ നൂതനമായ സേവനം വിഭാവനം ചെയ്തത് റുയി-കാറ്റ്‌സുവിൻ്റെ സ്ഥാപകനായ ഹിരോക്കി തെറായിയാണ്. ഈ നൂതനമായ ആശയത്തെ ലാഭകരമായ ഒരു ബിസിനസ് സംരംഭം ആക്കി മാറ്റിയിരിക്കുകയാണ് ഇപ്പോൾ ഇദ്ദേഹം. 'ഇകെമെസോ ഡാൻഷി' എന്നാണ് ഈ സേവനത്തിന്റെ പേര്. 'കരയുന്ന നല്ല മനുഷ്യൻ' എന്നാണ് ഇതിൻറെ അർത്ഥം.

വിവിധ മേഖലകളിൽ പരിശീലനം ലഭിച്ച പ്രൊഫഷണലുകൾ ആണ് ഈ സേവനം നൽകുന്നത്. തങ്ങളുടെ ക്ലൈന്റുകളെ അവരുടെ ദുഃഖങ്ങളെല്ലാം പങ്കുവെപ്പിച്ച് അതിലൂടെ മാനസിക സന്തോഷവും സമാധാനവും അവർക്ക് തിരികെ നൽകാനാണ് ഇവർ ശ്രമിക്കുക.

### Related Links & Sources
- [Original Story Source](https://moviemax.in/news/274766/handsome-weeping-boys-service-ease-stress-workplace-tokyo)