---
title: "#shalininair |  നീറ്റല്‍ ആദ്യമായി ഞാനറിഞ്ഞു, ഉണ്ണിക്കുട്ടന് രണ്ട് വയസ്സുള്ളപ്പോഴാണ് അമ്മയെ ഏല്‍പ്പിച്ച് ഞാൻ അതിന് പോയത്; ശാലിനി പറയുന്നു"
english_title: "#biggboss #fame #shalininair #pens #beautiful #note #about #her #son"
publisher: "moviemax.in"
canonical_url: "https://moviemax.in/news/214842/biggboss-fame-shalininair-pens-beautiful-note-about-her-son"
published_at: "2024-06-25T14:31:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/667a8c858e394_shalini.jpg"
keywords: []
---

# #shalininair |  നീറ്റല്‍ ആദ്യമായി ഞാനറിഞ്ഞു, ഉണ്ണിക്കുട്ടന് രണ്ട് വയസ്സുള്ളപ്പോഴാണ് അമ്മയെ ഏല്‍പ്പിച്ച് ഞാൻ അതിന് പോയത്; ശാലിനി പറയുന്നു

> **Lead Summary:** **ബിഗ് **ബോസ് മലയാളം സീസണ്‍ ഫോറിലെ മത്സരാര്‍ത്ഥിയായിരുന്നു ശാലിനി. തനി നാട്ടിന്‍പുറത്തുകാരിയായിരുന്നു ശാലിനി. സോഷ്യല്‍ മീഡിയയില്‍ വളരെ സജീവമാണ് ശാലിനി ഇപ്പോള്‍. ഇപ്പോഴിതാ തന്റെ മകനെക്കുറിച്ചുള്ള ശാലിനിയുടെ കുറിപ്പ് ശ്രദ്ധ നേടുകയാണ്. മകന്റെ പത്താം ക്ലാസ് വിജയത്തെക്കുറിച്ചും നാട്ടില്‍ നിന്നും ലഭിച്ച ആദരവിനെക്കുറിച്ചുമാണ് ശാലിനി കുറിപ്പില്‍ പറയുന്നത്. കുറിപ്പ് വായിക്കാം തുടര്‍ന്ന്. 

## Article Content

**ബിഗ് **ബോസ് മലയാളം സീസണ്‍ ഫോറിലെ മത്സരാര്‍ത്ഥിയായിരുന്നു ശാലിനി. തനി നാട്ടിന്‍പുറത്തുകാരിയായിരുന്നു ശാലിനി. സോഷ്യല്‍ മീഡിയയില്‍ വളരെ സജീവമാണ് ശാലിനി ഇപ്പോള്‍. ഇപ്പോഴിതാ തന്റെ മകനെക്കുറിച്ചുള്ള ശാലിനിയുടെ കുറിപ്പ് ശ്രദ്ധ നേടുകയാണ്. മകന്റെ പത്താം ക്ലാസ് വിജയത്തെക്കുറിച്ചും നാട്ടില്‍ നിന്നും ലഭിച്ച ആദരവിനെക്കുറിച്ചുമാണ് ശാലിനി കുറിപ്പില്‍ പറയുന്നത്. കുറിപ്പ് വായിക്കാം തുടര്‍ന്ന്. 

ക്ഷീണിച്ച കണ്‍പോളകളെ ഉറങ്ങാന്‍ അനുവദിക്കാതെ കുഞ്ഞുറങ്ങും വരെ ഉറക്കമൊഴിച്ച് സ്‌നേഹമൂട്ടി വളര്‍ത്തിയ മകന്റെ വിജയത്തിന്റെ ആദ്യത്തെ അവകാശി ഞാനല്ല എന്റെ അമ്മ മാത്രമാണ്. കഷ്ടി രണ്ട് വയസ്സ് പ്രായം മാത്രം ഉള്ളപ്പോഴാണ് ഉണ്ണിക്കുട്ടനെ അമ്മയെ ഏല്‍പ്പിച്ച് ഞാന്‍ കൊച്ചിയിലേക്ക് ഒരു ജോലി അന്വേഷിച്ച് പോവുന്നത്. ആദ്യമായി കുഞ്ഞിനെ വിട്ട് പിരിഞ്ഞു നില്‍ക്കുന്ന സങ്കടം ഹോസ്റ്റല്‍ മുറിയിലെ ചകിരി കുത്തുന്ന കിടക്കയില്‍ മുഖമമര്‍ത്തി കരഞ്ഞു തീര്‍ത്തിട്ടുണ്ട് ഒരുപാട്. 

കുഞ്ഞിക്കാലുകള്‍ വെച്ച് ഓടിക്കളിക്കുന്ന പ്രായത്തില്‍ എന്റെ അഭാവം അവനെ ഒട്ടും ബാധിച്ചിരുന്നേ ഇല്ല. എന്റെ അമ്മയായിരുന്നു അവന് അമ്മ എന്റെ അച്ഛന്‍ അച്ഛനും അങ്ങിനെയാണത്രെ സ്‌കൂളിലും കൂട്ടുകാരോടും പറയാറ്,, മൂന്ന് വയസ്സാവുന്നത് വരെ എന്നെ 'അച്ചേച്ചി'ന്ന് വിളിച്ചു.. അവന് ഏറ്റവും പ്രിയപ്പെട്ടയാള്‍ എന്റെ അമ്മയായത് കൊണ്ട് അമ്മമ്മ എന്ന് തിരുത്തി വിഷമിപ്പിച്ചില്ല ;പകരം കഷ്ടപ്പെട്ട് അച്ചേച്ചി വിളി മാറ്റി പതുക്കെ 'മമ്മ'എന്ന് വിളിപ്പിച്ചു തുടങ്ങി..

4 വയസ്സായപ്പോഴേക്കും ആഴ്ചയില്‍ രണ്ട് ദിവസം നിന്ന് തിരിച്ച് ജോലിയില്‍ കയറാന്‍ തിങ്കളാഴ്ച കാലത്ത് ബാഗെടുത്ത് ഓടാന്‍ നിക്കുന്ന എന്നെ കണ്ണ് നിറച്ച് ഇളിഞ്ഞ ചിരിയോടെ റ്റാറ്റ തന്ന് യാത്രയാക്കാന്‍ തുടങ്ങി.

കുഞ്ഞു കണ്ണുകള്‍ കലങ്ങിയ നിമിഷം അമ്മയുടെ നീറ്റല്‍ ആദ്യമായി ഞാനറിഞ്ഞു. മക്കളെ പിരിഞ്ഞ് ജീവിതത്തെ പൊരുതി ജയിക്കാന്‍ പെടാപാട്‌പെട്ട് വേര്‍പാടിന്റെ വേദന കടിച്ചമര്‍ത്തി തിരിഞ്ഞു നോക്കാന്‍ വയ്യാതെ വേവുന്ന നെഞ്ചുമായി എന്നെ പോലെ തിരിച്ച് ജോലി സ്ഥലത്തേക്കോടുന്ന എല്ലാ അമ്മമാരേയും അച്ഛന്‍മാരേയും ഈ കുറിപ്പ് ഹൃദയത്തില്‍ സ്പര്‍ശിച്ചേക്കാം. 

നെഞ്ചുലച്ചു കളഞ്ഞ മുറിവുണങ്ങുന്ന ഒരു ദിവസം നിങ്ങള്‍ക്കും വരും ദാ ഇതുപോലെ പത്താം ക്ലാസ്സ് പരീക്ഷയിലെ വിജയത്തിന് നാടിന്റെ ആദരം ഏറ്റു വാങ്ങുന്ന ഉണ്ണിക്കുട്ടന്റെ ഫോട്ടോ. 'സഹജീവികളോട് സ്‌നേഹമുള്ള മകനായി വളരണം' .

### Related Links & Sources
- [Original Story Source](https://moviemax.in/news/214842/biggboss-fame-shalininair-pens-beautiful-note-about-her-son)