---
title: "#manjummalboys | ‘മഞ്ഞുമ്മൽ ബോയ്​സ്’​ നിർമാതാക്കളുടെ അറസ്റ്റിനുള്ള വിലക്ക്​ നീട്ടി"
english_title: "#ban #arrest #producers #manjummalboys #has #been #extended"
publisher: "moviemax.in"
canonical_url: "https://moviemax.in/news/215772/ban-arrest-producers-manjummalboys-has-been-extended"
published_at: "2024-06-28T19:40:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/667ec49217345_manjummal.jpg"
keywords: []
---

# #manjummalboys | ‘മഞ്ഞുമ്മൽ ബോയ്​സ്’​ നിർമാതാക്കളുടെ അറസ്റ്റിനുള്ള വിലക്ക്​ നീട്ടി

> **Lead Summary:** **വിശ്വാ**സവഞ്ചന, ഗൂഢാലോചന തുടങ്ങിയ കുറ്റങ്ങൾ ചുമത്തി പൊലീസ് രജിസ്റ്റർ ചെയ്ത കേസിൽ ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളുടെ അറസ്റ്റ്​ തടഞ്ഞ ഇടക്കാല ഉത്തരവ്​ ഹൈകോടതി നീട്ടി. നിർമാതാക്കളായ നടൻ സൗബിൻ ഷാഹിർ, ഷോൺ ആന്‍റണി, ഷാഹിർ ബാബു എന്നിവരെ അറസ്റ്റ്​ ചെയ്യരുതെന്ന ഉത്തരവാണ്​ ജസ്റ്റിസ്​ സി.എസ്​. ഡയസ്​ നീട്ടിയത്​.

## Article Content

**വിശ്വാ**സവഞ്ചന, ഗൂഢാലോചന തുടങ്ങിയ കുറ്റങ്ങൾ ചുമത്തി പൊലീസ് രജിസ്റ്റർ ചെയ്ത കേസിൽ ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളുടെ അറസ്റ്റ്​ തടഞ്ഞ ഇടക്കാല ഉത്തരവ്​ ഹൈകോടതി നീട്ടി. നിർമാതാക്കളായ നടൻ സൗബിൻ ഷാഹിർ, ഷോൺ ആന്‍റണി, ഷാഹിർ ബാബു എന്നിവരെ അറസ്റ്റ്​ ചെയ്യരുതെന്ന ഉത്തരവാണ്​ ജസ്റ്റിസ്​ സി.എസ്​. ഡയസ്​ നീട്ടിയത്​.

ഇവരുടെ മുൻകൂർ ജാമ്യ ഹരജി ജൂലൈ 10ന്​ പരിഗണിക്കാൻ മാറ്റിയ സാഹചര്യത്തിലാണ്​ ഇടക്കാല ഉത്തരവും അതുവരെ നീട്ടിയത്​. സിനിമക്കായി ഏഴുകോടി രൂപ നിക്ഷേപിച്ചിട്ടും ലാഭവിഹിതവും മുടക്കിയ പണവും നൽകിയില്ലെന്ന്​ ആരോപിച്ച് അരൂർ സ്വദേശി സിറാജ് വലിയതുറ നൽകിയ പരാതിയിലാണ് മരട് പൊലീസ് കേസെടുത്തത്.

ലാഭത്തുക ലഭിച്ചിട്ടും ഹരജിക്കാരന്‍റെ കടം വീട്ടാതെ നിർമാതാക്കളിൽ ഒരാൾ സ്ഥിരനിക്ഷേപം നടത്തിയതടക്കം ആരോപണങ്ങളുന്നയിച്ച്​ കോടതിയിൽ പൊലീസ്​ റിപ്പോർട്ട്​ നൽകിയിരുന്നു. ഒത്തുതീർപ്പിനുള്ള ശ്രമം നടക്കുകയാണെന്ന്​ ഹരജിക്കാരും അറിയിച്ചിട്ടുണ്ട്​.

നേരത്തെ, മഞ്ഞുമ്മൽ ബോയ്്സ് നിർമാതാക്കൾക്കെതിരായ സാമ്പത്തിക തട്ടിപ്പ് കേസിൽ നടൻ സൗബിൻ ഷാഹിറിനെ ഇ.ഡി ചോദ്യം ചെയ്തിരുന്നു. കള്ളപ്പണ ഇടപാടുമായി ബന്ധപ്പെട്ട് മഞ്ഞുമ്മൽ ബോയ്സ് നിർമാതാക്കൾക്കെതിരെ ഇ.ഡി അന്വേഷണമുണ്ട്. ചിത്രത്തിന്റെ നിർമാണത്തിൽ പങ്കാളിയായ ഷോൺ ആന്റണിയിൽ നിന്ന് ഇ.ഡി മൊഴിയെടുക്കുകയും ചെയ്തിരുന്നു.

### Related Links & Sources
- [Original Story Source](https://moviemax.in/news/215772/ban-arrest-producers-manjummalboys-has-been-extended)