ഒരു സീസണ് തുടങ്ങി കുറച്ച് ആഴ്ചകള് മുന്നോട്ട് പോകുമ്പോള് തന്നെ ചില മത്സരാര്ഥികള് പ്രേക്ഷകരില് ഉണ്ടാക്കുന്ന ഒരു തോന്നലുണ്ട്. പിന്നീടങ്ങോട്ട് തങ്ങളെ ഒഴിവാക്കി ഈ സീസണിനെക്കുറിച്ച് ആലോചിക്കാന് പോലും കഴിയില്ലെന്നും അവസാനം വരെ തങ്ങള് ഉണ്ടാവുമെന്നും. സഹമത്സരാര്ഥികളില് നിന്നും വേറിട്ട് നിര്ത്തുന്ന ചില സ്വഭാവ സവിശേഷതകളാവും അതിന് കാരണം. ഈ സീസണില് അങ്ങനെ തോന്നിപ്പിച്ച മത്സരാര്ഥികളില് ഒരാളായിരുന്നു നോറ മുസ്കാന്.
എന്നാല് ഫിനാലെ വീക്കിന് തൊട്ടുമുമ്പ് ബിഗ് ബോസ് ഹൗസിനോട് വിട പറഞ്ഞു നോറ. ബിഗ് ബോസ് ഹൗസ് ഒരു സമൂഹമാണെങ്കില് സാമൂഹിക ജീവിതം തീര്ത്തും കുറഞ്ഞ മത്സരാര്ഥിയായിരുന്നു നോറ. ഈ സീസണിലെ മത്സരാര്ഥികളില് ഏറ്റവും ഉയര്ന്നുകേട്ട ശബ്ദങ്ങളിലൊന്ന് നോറയുടേതായിരുന്നു. ഏറ്റവും കൂടുതല് തര്ക്കങ്ങളിലും വാഗ്വാദങ്ങളിലും ഏര്പ്പെട്ട ഒരാളും നോറയായിരുന്നു.
ഗ്രാന്റ് ഫിനാലെ സ്റ്റേജും കപ്പും ലക്ഷ്യമാക്കി തന്നെയാണ് നോറ വന്നത്. എവിക്ടായെങ്കിലും അഭിമുഖങ്ങളും മറ്റുമായി തിരക്കിലാണ് നോറ. സംവിധായകൻ ഒമർ ലുലുവുമായി ഒരു അടുത്ത സൗഹൃദം നോറയ്ക്കുണ്ട്. അടുത്തിടെ സംവിധായകനെതിരെ ബലാത്സംഗ കേസ് വന്നിരുന്നു. യുവ നടിയുടെ പരാതിയിലാണ് കേസ് വന്നത്.
സിനിമയിൽ അവസരം വാഗ്ദാനം ചെയ്ത് നിരവധി തവണ തന്നെ ബലാത്സംഗം ചെയ്തതെന്നാണ് നടിയുടെ പരാതിയില് ഉണ്ടായിരുന്നത്. ഇപ്പോഴിതാ ഒമർ ലുലുവുമായുള്ള സൗഹൃദത്തെ കുറിച്ച് നോറ പറഞ്ഞ കാര്യങ്ങളാണ് ശ്രദ്ധിക്കപ്പെടുന്നത്. വെറൈറ്റി മീഡിയയ്ക്ക് നൽകിയ അഭിമുഖത്തിലാണ് ഒമറിനെ കുറിച്ച് നോറ സംസാരിച്ചത്. ഒമർ തന്നെ ഒരു പെങ്ങളെപ്പോലെയാണ് ട്രീറ്റ് ചെയ്തിട്ടുള്ളതെന്നാണ് നോറ പറയുന്നത്. ലിപ് ലോക്ക് ഒന്നും ചെയ്യാൻ എനിക്ക് താൽപര്യമില്ല.
സിനിമയിൽ അഭിനയിക്കുമ്പോൾ അതിനൊന്നും ഞാൻ തയ്യാറുമല്ല. സിനിമയുടെ പിന്നണിയിൽ പ്രവർത്തിക്കുക എന്നത് എനിക്ക് ഇഷ്ടമുള്ള കാര്യമാണ്. അതായത് ഡാൻസ് കൊറിയോഗ്രഫി, കോസ്റ്റ്യൂം ഡിസൈനിങ് പോലുള്ളവ. വളർന്ന് വലുതായാൽ പൊഡ്യൂസർ ആവുക അതൊക്കെയാണ് എന്റെ ഇഷ്ടം. അഭിനയിക്കാൻ ടാലന്റുള്ളതായി എനിക്ക് തോന്നിയിട്ടില്ല.
ഞാൻ അഭിനയിച്ചാൽ കോമഡിയാകും എന്നൊരു തോന്നലുണ്ട്. ഹൗസിനുള്ളിൽ വെച്ച് തന്നെ പലരും അഭിനയം കണ്ട് ചിരിച്ചിട്ടുണ്ട്. അതുപോലെ ഒമറിക്ക എന്നെ ഒരു പെങ്ങളെപ്പോലെയാണ് ട്രീറ്റ് ചെയ്തിട്ടുള്ളത്. അദ്ദേഹവുമായി അഞ്ച് വർഷത്തിൽ കൂടുതൽ പരിചയമുണ്ട്. അടാർ ലവ്വിന്റെ സമയം മുതൽ എന്നോട് എന്താണ് ഫ്യൂച്ചർ പ്ലാനെന്ന് അദ്ദേഹം ചോദിക്കാറുണ്ട്.
പഠനത്തിലാണ് ശ്രദ്ധ കൊടുത്തിരിക്കുന്നതെന്ന് ഞാൻ അപ്പോൾ തന്നെ അദ്ദേഹത്തോട് പറഞ്ഞിരുന്നു. പഠനത്തിൽ ഫിനാഷ്യൽ ബുദ്ധിമുട്ട് വന്നാൽ ചോദിക്കാൻ മടിക്കേണ്ടെന്നും അദ്ദേഹം പറഞ്ഞിരുന്നു. പക്ഷെ ഞാൻ അത് അപ്പോൾ തന്നെ നിരസിച്ചു. സിനിമയിലേക്ക് കയറാൻ ഉദ്ദേശിക്കുന്നുണ്ടെങ്കിൽ പറയാൻ പറഞ്ഞിരുന്നു. അതും ഞാൻ അന്ന് നിരസിച്ചു.
പിന്നെ നല്ല സമയത്തിൽ അഭിനയിക്കാൻ വിളിച്ചിരുന്നു. പക്ഷെ ലിപ് ലോക്ക് സീനിനെ കുറിച്ച് പറഞ്ഞിരുന്നില്ല. പിന്നെ അദ്ദേഹം പറഞ്ഞപ്പോൾ അഭിനയിക്കില്ലെന്ന് ഞാൻ പറഞ്ഞു. ശേഷം അദ്ദേഹം ആ സീനിൽ അഭിനയിച്ച കുട്ടിയുടെ പേര് നോറ എന്നാക്കി. കൂടാതെ എന്നെ അൺഫോളോയും ചെയ്തു. അപ്പോൾ എനിക്ക് സങ്കടമായി. പിന്നെ നല്ല സമയം റിലീസിന്റെ സമയത്താണ് അദ്ദേഹം തിരിച്ച് വിളിച്ചതെന്നുമാണ് ഒമറിനെ കുറിച്ച് സംസാരിക്കവെ നോറ പറഞ്ഞത്.
ഒമറിന്റെ പേരിൽ ബലാത്സംഗ കേസ് രജിസ്റ്റർ ചെയ്യപ്പെട്ടശേഷം നല്ല സമയം സിനിമയിൽ അഭിനയിച്ച മുൻ ബിഗ് ബോസ് താരം നടി ഏയ്ഞ്ചലിന് മരിയ പ്രതികരിച്ച് എത്തിയിരുന്നു. ഒമർ ലുലിവിന് എതിരെ പരാതി നൽകിയ യുവനടി താൻ അല്ലെന്ന് വ്യക്തമാക്കിയാണ് ഏയ്ഞ്ചലിന് മരിയ എത്തിയത്.
#biggboss #malayalam #season #6 #norahmuskaan #reacted #her #bonding #omarlulu
.jpeg)
