(moviemax.in) സിനിമാവ്യവസായം നേരിടുന്ന പ്രധാന പ്രതിസന്ധിയാണ് പൈറസി. കാലങ്ങളായി പൈറസിക്കെതിരെ സിനിമാമേഖലയിൽ നിന്ന് പ്രതിഷേധം ഉയരുന്നുണ്ടെങ്കിലും ഒരു പരിധിക്കപ്പുറം ഇതിനെ തടയാൻ ഇനിയും ആയിട്ടില്ല.
ഒടിടി കാലത്ത് തിയറ്ററിലേക്ക് പ്രേക്ഷകരെ കൂട്ടുക ദുഷ്കരമാണെന്നിരിക്കെ പൈറസി ഉണ്ടാക്കുന്ന ആഘാതം മുൻപത്തേക്കാൾ വലുതാണ്.
വലിയ പ്രീ റിലീസ് ഹൈപ്പോടെയെത്തുന്ന ബിഗ് ബജറ്റ് ചിത്രങ്ങൾ ആദ്യദിനങ്ങളിൽ തന്നെ ചോരുന്നത് തുടർക്കഥയാവുകയാണ്.
ആ നിരയിലേക്ക് ഏറ്റവും ഒടുവിൽ എത്തിയിരിക്കുന്ന ചിത്രമാണ് ബോളിവുഡ് സിനിമയായ അനിമൽ. അർജുൻ റെഡ്ഡി സംവിധായകനായ സന്ദീപ് റെഡ്ഡി വാംഗ ഒരുക്കിയ ആക്ഷൻ ത്രില്ലർ ചിത്രം ഇന്നലെയാണ് തിയറ്ററുകളിൽ എത്തിയത്.
രൺബീർ കപൂറും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിന് മികച്ച പ്രീ ബുക്കിംഗ് ലഭിച്ചിരുന്നു. ആദ്യദിനം സമ്മിശ്ര അഭിപ്രായമാണ് ലഭിച്ചതെങ്കിലും മികച്ച ഓപണിംഗ് ആണ് ചിത്രം നേടിയത്.
എന്നാൽ നിർമ്മാതാക്കൾക്ക് കടുത്ത ആശങ്ക സൃഷ്ടിച്ചുകൊണ്ട് ചിത്രം ചോർന്നിരിക്കുകയാണ്. ടെലിഗ്രാം ചാനലുകൾക്ക് പുറമെ വാട്സ്ആപ് ഫോർവേഡ് ആയും ചിത്രം പ്രചരിക്കുന്നുണ്ടെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
തിയറ്ററുകളിലെത്തി മണിക്കൂറുകൾക്കിപ്പുറമാണ് വ്യാജപതിപ്പ് പ്രചരിക്കാൻ തുടങ്ങിയത്. അതേസമയം മികച്ച തിയറ്റർ എക്സ്പീരിയൻസ് നൽകുന്ന ബിഗ് കാൻവാസ് ചിത്രങ്ങളെ സംബന്ധിച്ച് പൈറസി ബോക്സ് ഓഫീസിൽ വലിയ ആഘാതം ഏൽപ്പിക്കില്ലെന്നാണ് ഇന്ത്യൻ സിനിമയിലെ സമീപകാല അനുഭവം.
തമിഴിലെ സമീപകാല ചിത്രങ്ങളായ ജയിലറിൻറെയും ലിയോയുടെയും വ്യാജ പതിപ്പുകൾ സമാന രീതിയിൽ പ്രചരിച്ചിരുന്നു. എന്നാൽ അവയുടെ കളക്ഷനെ അത് കാര്യമായി ബാധിച്ചില്ല. തമിഴ് സിനിമയിലെ ഈ വർഷത്തെ ഏറ്റവും വലിയ വിജയങ്ങളായി മാറിയിരുന്നു ഈ ചിത്രങ്ങൾ.
Content Highlight: #animal #Shocking #news #producers
.jpeg)