മുംബൈ: പ്രശസ്ത ബോളിവുഡ് സംവിധായകൻ സഞ്ജയ് ഗാധ്‌വി (56) അന്തരിച്ചു. ബോളിവുഡിലെ ബ്ലോക്ക് ബസ്റ്റർ ചിത്രങ്ങളായ ധൂം, ധൂ 2 എന്നീ ചിത്രങ്ങളുടെ സംവിധായകനാണ്. മരണവിവരം മകൾ സഞ്ജിന ഗാധ്‌വി സ്ഥിരീകരിച്ചു.
ഇന്ന് രാവിലെ 9.30ഓടെയായിരുന്നു ഗാധ്‌വിയുടെ മരണം . ഹൃദയാഘാതമാണ് മരണ കാരണമെന്നാണ് വിവരം. പൂർണ ആരോഗ്യവാനായിരുന്നു പിതാവെന്ന് സഞ്ജിന പറഞ്ഞു. ജീനയാണ് ഭാര്യ.2000-ൽ പുറത്തിറങ്ങിയ തേരേ ലിയേ ആണ് ഗാധ്‌വിയുടെ ആദ്യ ചിത്രം.
തുടർന്നാണ് 2004-ൽ ബോളിവുഡിനെ ഇളക്കിമറിച്ച ധൂം വരുന്നത്. അഭിഷേക് ബച്ചൻ, ജോൺ എബ്രഹാം, ഉദയ് ചോപ്ര എന്നിവർ പ്രധാനവേഷങ്ങളിലെത്തിയ ചിത്രം ബോക്‌സോഫീസ് റെക്കോർഡുകൾ തകർത്തു.
2012-ൽ പുറത്തിറങ്ങിയ അജബ് ഗസബിന് ശേഷം സിനിമയിൽനിന്ന് അദ്ദേഹം വിട്ടുനിൽക്കുകയായിരുന്നു. 2020-ൽ സംവിധാനം ചെയ്ത ഓപ്പറേഷൻ പരീന്ദേ എന്ന ചിത്രമാണ് അദ്ദേഹത്തിന്റെ അവസാന ചിത്രം.
#Bollywood #director #SanjayGadhvi #passedaway
