ഇന്ത്യന് സിനിമയില് അതികം പരീക്ഷിച്ചിട്ടില്ലാത്ത ഫിലിം മേക്കിംഗ് രീതിയാണ് ഫൗണ്ട് ഫൂട്ടേജ്. പൂര്ണമായും ഈ രീതിയില് ചിത്രീകരിക്കുന്ന ആദ്യ മലയാള സിനിമയ്ക്ക് പശ്ചാത്തല സംഗീതമൊരുക്കുന്നത് ഹോളിവുഡ് സംഗീത സംവിധായകന് ഇവാന് ഇവാന്സാണ്.
നിരവധി ഹോളിവുഡ് സിനിമകള്ക്ക് പശ്ചാത്തല സംഗീതമൊരുക്കിയ ഇവാന് ഇവാന്സിന്റെ ആദ്യ ഇന്ത്യന് സിനിമയാണിത്. ഒരു കൂട്ടം പുതുമുഖങ്ങളാണ് ‘വഴിയെ’ എന്ന് പേരിട്ടിരിക്കുന്ന ഈ പരീക്ഷണ ചിത്രത്തിന്റെ പിന്നില് പ്രവര്ത്തിക്കുന്നത്.
തരിയോട് എന്ന ഡോക്യൂമെന്ററിയ്ക്ക് ശേഷം നിര്മല് ബേബി വര്ഗീസ് സംവിധാനം ചെയ്യുന്ന ഈ ഹൊറര് ചിത്രത്തില് പുതുമുഖങ്ങളായ ജെഫിന് ജോസഫ്, അശ്വതി അനില് കുമാര് എന്നിവരാണ് പ്രധാന വേഷങ്ങള് കൈകാര്യം ചെയ്യുന്നത്.
കാസബ്ളാങ്കാ ഫിലിം ഫാക്ടറിയുടെ ബാനറില് ബേബി ചൈതന്യ നിര്മിക്കുന്ന ഈ പരീക്ഷണ ചിത്രത്തിന്റെ ക്യാമറ കൈകാര്യം ചെയ്യുന്നത് മിഥുന് ഇരവില്, ഷോബിന് ഫ്രാന്സിസ്, കിരണ് കാബ്രത്ത് എന്നിവരാണ്.
ലോകപ്രശസ്ത സിനിമാ താരം റോജര് വാര്ഡ് ഉള്പ്പടെ ഹോളിവുഡില് നിന്നടക്കമുള്ള പല വിദേശ താരങ്ങളും ഭാഗമാകുന്ന തരിയോട്: ദി ലോസ്റ്റ് സിറ്റി എന്ന വരാനിരിക്കുന്ന ബിഗ് ബജറ്റ് സിനിമയുടെ സംവിധായകന് കൂടിയാണ് നിര്മല്. തരിയോട് എന്ന ഡോക്യൂമെന്ററി ചിത്രത്തിന്റെ സിനിമാറ്റിക് റീമേക്കാണ് ഈ ചിത്രം.
Content Highlight: Hollywood music director to compose music for Malayalam cinema
.jpeg)
.jpeg)
.jpeg)