' ഇതില്‍ വീഡിയോ കട്ട് ചെയ്യുന്നത് എങ്ങനെയാണ് '? ജിയോ ബേബിയുടെ മകനില്‍ നിന്ന് സംശയനിവാരണം നടത്തുന്ന മമ്മൂട്ടി, വീഡിയോ

സാങ്കേതികവിദ്യയിലെ മാറ്റങ്ങളോട് മമ്മൂട്ടിക്കുള്ള താല്‍പര്യം എല്ലാവര്‍ക്കും അറിയാവുന്ന കാര്യങ്ങളാണ്. മൊബൈല്‍ ഫോണിലും ക്യാമറയിലും വാഹനങ്ങളിലുമൊക്കെ ഉണ്ടാവുന്ന ഏറ്റവും പുതിയ അപ്ഡേഷനുകള്‍ മനസിലാക്കാനും അവ ഉപയോഗിച്ചുനോക്കാനും ശ്രമിക്കാറുള്ള ആളാണ് അദ്ദേഹം.

Also read: മോഹന്‍ലാല്‍- കൃഷാന്ദ് ചിത്രം വരുമോ? പുതിയ അപ്ഡേറ്റുമായി നിര്‍മ്മാതാവ്

ഇപ്പോഴിതാ സോഷ്യല്‍ മീഡിയയില്‍ ഒരു വീഡിയോ വൈറല്‍ ആവുകയാണ്. സംവിധായകന്‍ ജിയോ ബേബിയുടെ മകനായ മ്യൂസിക്കില്‍ നിന്ന് ഒരു മൊബൈല്‍ ആപ്പിനെക്കുറിച്ച് ചോദിച്ച് മനസിലാക്കുന്ന മമ്മൂട്ടിയാണ് വീഡിയോയില്‍.

അച്ഛന്‍ ജിയോ ബേബിയുടെ ഫോണിലുള്ള ഒരു വീഡിയോ എഡിറ്റിംഗ് ആപ്പ് മമ്മൂട്ടിക്ക് പരിചയപ്പെടുത്തിക്കൊടുക്കുകയാണ് മ്യൂസിക്. ഇത് സാകൂതം ശ്രദ്ധിക്കുന്ന മമ്മൂട്ടി ഇടയ്ക്ക് കുട്ടിയോട് സംശയങ്ങളും ചോദിക്കുന്നുണ്ട്. ഇതില്‍ വീഡിയോ കട്ട് ചെയ്യുന്നത് എങ്ങനെയാണെന്നാണ് മമ്മൂട്ടി ചോദിക്കുന്ന ഒരു സംശയം.

Also read: 'ആ സീനിന്‍റെ ഷൂട്ട് നിര്‍ത്തിയത് വെളുപ്പിന്, അപ്പോഴൊക്കെ ചെവിവേദന ഉണ്ടായിരുന്നു'; കാന്‍സര്‍ കണ്ടെത്തിയതിനെക്കുറിച്ച് മണിയന്‍പിള്ള രാജു

Also read: ‘അപ്പച്ചന്‍റെ പ്രായമില്ലേടോ,നാണമുണ്ടോ’? ബസിനുള്ളില്‍ വിരലുകൊണ്ട് ലൈംഗിക ചേഷ്ഠ; വിഡിയോ പകര്‍ത്തി യുവതി

കുട്ടി അത് വിശദീകരിക്കുന്നുമുണ്ട്. മമ്മൂട്ടിയെ നായകനാക്കി ജിയോ ബേബി സംവിധാനം ചെയ്ത കാതല്‍ സിനിമയുടെ ലൊക്കേഷനില്‍ നിന്ന് ചിത്രീകരിച്ചതാണ് ഈ വീഡിയോ. മമ്മൂട്ടിയുടെ കോസ്റ്റ്യൂം ഡിസൈനര്‍ ആയ അഭിജിത്ത് ആണ് സോഷ്യല്‍ മീഡിയയിലൂടെ വീഡിയോ പങ്കുവച്ചിരിക്കുന്നത്.

Now a video of director Jio Baby's son and Mammootty is going viral.