നടൻ വിനീത് കുമാര് സംവിധാനം ചെയ്യുന്ന 'ഡിയര് ഫ്രണ്ടി'ന്റെ ട്രെയിലർ പുറത്ത്. ഏറെ രസകരമായ രീതിയിലാണ് ട്രെയിലർ തയ്യാറാക്കിയിരിക്കുന്നത്. ടൊവിനൊ തോമസ് നായകനാകുന്ന ചിത്രം ജൂണ് 10ന് പ്രേക്ഷകർക്ക് മുന്നിലെത്തും.
അഞ്ച് സുഹൃത്തുക്കളുടെ കഥയാണ് ചിത്രം പറയുന്നത്. പല കാലഘട്ടില് അവര്ക്കിടയില് ഉണ്ടാകുന്ന സൗഹൃദവും പ്രശ്നങ്ങളുമാണ് ചിത്രത്തിന്റെ ഇതിവൃത്തം. ബേസില് ജോസഫും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ജസ്റ്റിൻ വര്ഗീസാണ് സംഗീത സംവിധാനം നിര്വ്വഹിക്കുന്നത്.
ഷൈജു ഖാലിദാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ഷൈജു ഖാലിദ്, സമീര് താഹിര്, ആഷിഖ് ഉസ്മാൻ എന്നിവര് ചേര്ന്നാണ് നിര്മാണം.
ഹാപ്പി അവേഴ്സ് എന്റര്ടെയ്ൻമെന്റ്സിന്റെയും ആഷിഖ് ഉസ്മാൻ പ്രൊഡക്ഷൻസിന്റെയും ബാനറിലാണ് നിര്മാണം. ഷറഫു, സുഹാസ്, അര്ജുൻലാല് എന്നിവര് ചേര്ന്നാണ് തിരക്കഥ. ദീപു ജോസഫാണ് ചിത്രത്തിന്റെ ചിത്ര സംയോജനം നിര്വ്വഹിക്കുന്നത്.
Content Highlight: Tovino film; 'Dear Friendt' trailer out
