ഒരിക്കൽ കിട്ടിയിട്ടും പറ്റിച്ചിലല്ലേ...! ചായയിൽ പാത്രം കഴുകുന്ന സ്റ്റീൽ സ്ക്രബറിന്റെ കഷണം; മൈതാനം ജംക്‌ഷനിലെ സുപ്രഭാതം വെജിറ്റേറിയൻ ഹോട്ടൽ ആരോഗ്യവിഭാഗം പൂട്ടിപ്പിച്ചു

തിരുവനന്തപുരം : ( www.truevisionnews.com ) കുടിക്കാൻ വാങ്ങിയ ചായയിൽ പാത്രം കഴുകുന്ന സ്റ്റീൽ സ്ക്രബറിന്റെ കഷണം കണ്ടെത്തിയതിന്റെ പേരിൽ മൈതാനം ജംക്‌ഷനിൽ പ്രവർത്തിക്കുന്ന സുപ്രഭാതം വെജിറ്റേറിയൻ ഹോട്ടൽ നഗരസഭ ആരോഗ്യവിഭാഗം അടപ്പിച്ചു.

കഴിഞ്ഞദിവസം വൈകിട്ടാണ് ഹോട്ടലിൽ കയറിയ വെട്ടൂർ സ്വദേശി മൻസൂറിനു ലഭിച്ച ചായയിൽ സ്ക്രബർ കഷണം കണ്ടെത്തിയത്.

ഇയാളുടെ പരാതിയെ തുടർന്നു വാർഡ് കൗൺസിലർ സജിത മണികണ്ഠൻ ഇടപെടുകയും ആരോഗ്യ വിഭാഗം ഉദ്യോഗസ്ഥർ സ്ഥലത്തെത്തി ഹോട്ടൽ അടപ്പിക്കുകയും ചെയ്തു.

എന്നാൽ ഇന്നലെ രാവിലെ അനുമതിയില്ലാതെ ഹോട്ടൽ വീണ്ടും തുറന്നു പ്രവർത്തിക്കുന്നതായി കാണിച്ചു മുസ്‌ലിം ലീഗ് മണ്ഡലം കമ്മിറ്റി പ്രസിഡന്റ് ഹംസ ഷാഫിയുടെ നേതൃത്വത്തിൽ വീണ്ടും പരാതി നൽകിയതിനെ തുടർന്നു ഉച്ചയോടെ ആരോഗ്യവിഭാഗം ഉദ്യോഗസ്ഥർ ഹോട്ടലിലെത്തി പരിശോധന നടത്തി.

Also read: 'ചത്താലും എന്റെ ശവം നീ കാണരുത്, എന്നെ വെറുതെ വിട്ടേക്ക്'; കിച്ചുവിനെതിരെ പൊട്ടിത്തെറിച്ച് രേണു സുധി

ഹോട്ടലിൽ നിന്നു കീടബാധ നേരിട്ട പരിപ്പ്, ഉഴുന്ന് പരിപ്പ് കൂടാതെ അഴുകിയ പച്ചക്കറികളും കണ്ടെടുത്തു. ഇതേത്തുടർന്നു നിശ്ചിത നിലവാരമില്ലാതെയാണു ഹോട്ടൽ പ്രവർത്തിക്കുന്നതെന്നു കാണിച്ച് ഹോട്ടൽ പൂട്ടാൻ നിർദേശം നൽകി.

മാത്രമല്ല, ഹോട്ടലിലെ മലിനജലം ഓടയിലേക്കൊഴുക്കിയെന്നു കണ്ടെത്തിയതിനാൽ പിഴ ഉൾപ്പെടെയുള്ള നടപടികൾ സ്വീകരിക്കുമെന്നും നഗരസഭ വ്യക്തമാക്കി.

Content Highlight: health department has closed the Suprabhatam Vegetarian Hotel in Maidanam Junction

#Latest News #Suprabhatam Vegetarian Hotel #Maidanam Junction #Health Department #Thiruvananthapuram