കോഴിക്കോട് വളയത്ത് സ്കൂട്ടറിന്റെ ഡിക്കിയിൽ ഒളിപ്പിച്ചു കടത്താൻ ശ്രമിച്ച മാഹി മദ്യവുമായി യുവാവ് പിടിയിൽ

കോഴിക്കോട് : ( www.truevisionnews.com ) നാദാപുരം വളയത്ത് സ്കൂട്ടറിന്റെ ഡിക്കിയിൽ ഒളിപ്പിച്ചു കടത്താൻ ശ്രമിച്ച മാഹി വിദേശമദ്യവുമായി യുവാവ് പിടിയിൽ. കുറുവന്തേരി ചെക്യാട് സ്വദേശി ഞാലിയോടുമ്മൽ വീട്ടിൽ വിജേഷ് എൻ (37) ആണ് വളയം പോലീസിന്റെ പിടിയിലായത്.

വളയം സബ് ഇൻസ്പെക്ടർ ഷിജു എം.വി.യുടെ നേതൃത്വത്തിലുള്ള പോലീസ് സംഘം വളയത്തെ താനക്കോട്ടൂർ പുന്തോറത്ത് മുക്കിന് സമീപം നടത്തിയ വാഹന പരിശോധനയ്ക്കിടയിലാണ് പ്രതി വലയിലായത്.

താനക്കോട്ടൂർ ഭാഗത്തുനിന്നും കുറുവന്തേരി ഭാഗത്തേക്ക് വരികയായിരുന്ന KL 18 AH 6242 നമ്പർ ചുവന്ന സ്കൂട്ടർ തടഞ്ഞുനിർത്തി പരിശോധിച്ചപ്പോഴാണ് മദ്യം കണ്ടെടുത്തത്.

സ്കൂട്ടറിന്റെ ഡിക്കിക്കുള്ളിൽ 500 മില്ലി ലിറ്ററിന്റെ 12 ബോട്ടിൽ 'ഹണി ബീ' ബ്രാൻഡി വിൽപനയ്ക്കായി സൂക്ഷിച്ച നിലയിലായിരുന്നു. നികുതി വെട്ടിച്ച് കേരളത്തിലേക്ക് കടത്തിയ മദ്യവും കടത്താൻ ഉപയോഗിച്ച സ്കൂട്ടറും പോലീസ് കസ്റ്റഡിയിലെടുത്തു.

Also read: 'കണ്ണീരാണ് വേണ്ടതെങ്കിൽ അഭിനയിച്ച് കാണിച്ചുതരാം, അല്പം സ്വകാര്യത തന്നുകൂടേ...'; ഭാഗ്യരാജിന്റെ മൃതദേഹത്തിന്റെ ചിത്രമെടുക്കാൻ ശ്രമിച്ചവരോട് രാധിക

പ്രതിക്കെതിരെ അബ്കാരി നിയമപ്രകാരം (Kerala Abkari Act u/s 55(a), 58) കേസ് രജിസ്റ്റർ ചെയ്ത് കോടതിയിൽ ഹാജരാക്കി. പോലീസ് സംഘത്തിൽ സി.പി.ഒമാരായ രാജേഷ് ടി.വി, ജിലേഷ് വി എന്നിവരും ഉണ്ടായിരുന്നു.

Content Highlight: A young man was arrested with Mahe foreign liquor, which he tried to smuggle by hiding in the trunk of a scooter in Nadapuram Valayam

#Latest News #Mahe Foreign Liquor #Valayalam #Police Case #Kozhikode