( www.truevisionnews.com )ഗൾഫ് മേഖലയിലെ സംഘർഷാവസ്ഥയിൽ പ്രവാസികളുടെ സുരക്ഷ ഉറപ്പാക്കാൻ സംസ്ഥാന സർക്കാർ സജ്ജമാണെന്ന് മുഖ്യമന്ത്രി പിണറായി വിജയൻ അറിയിച്ചു.
സാഹചര്യം സങ്കീർണ്ണമായാൽ പ്രവാസികളെ നാട്ടിലെത്തിക്കാൻ കേന്ദ്രത്തിന്റെ സഹായം തേടുമെന്നും ഇക്കാര്യത്തിൽ സംസ്ഥാനം പൂർണ്ണ പിന്തുണ നൽകുമെന്നും അദ്ദേഹം വ്യക്തമാക്കി.
നോർക്കയുടെ 24 മണിക്കൂർ ഹെൽപ്പ് ലൈൻ സേവനം നിലവിലുണ്ടെന്നും ബന്ധുക്കൾക്ക് ആശയവിനിമയം നടത്താൻ കൂടുതൽ സംവിധാനങ്ങൾ ഒരുക്കാൻ കേന്ദ്രത്തോട് ആവശ്യപ്പെടുമെന്നും മുഖ്യമന്ത്രി പറഞ്ഞു.
അടിയന്തര യാത്രക്കാർക്കും രോഗികൾക്കും ആവശ്യമായ പിന്തുണ നൽകാൻ ജനപ്രതിനിധികൾ ശ്രദ്ധിക്കണമെന്നും, പ്രവാസികൾ പ്രാദേശിക ഭരണകൂടങ്ങളുടെ നിർദ്ദേശങ്ങൾ കർശനമായി പാലിക്കണമെന്നും അദ്ദേഹം ഓർമ്മിപ്പിച്ചു.
വ്യാജവാർത്തകളും ഭീതി പരത്തുന്ന സന്ദേശങ്ങളും വിശ്വസിക്കരുതെന്നും എംബസിയുമായി നിരന്തരം സമ്പർക്കം പുലർത്തണമെന്നും മുഖ്യമന്ത്രി കൂട്ടിച്ചേർത്തു.
Gulf conflict; CM meets Loka Kerala Sabha members to ensure expatriate safety
