കൊച്ചി : (https://truevisionnews.com/) കോൺഫിഡന്റ് ഗ്രൂപ്പ് ചെയർമാൻ സി.ജെ.റോയിയുടെ അസ്വാഭാവിക മരണത്തിന്റെ കാരണങ്ങൾ അന്വേഷിക്കുന്ന കർണാടക പൊലീസിന്റെ പ്രത്യേക സംഘം (എസ്ഐടി) റോയിയുടെ അടുത്ത സുഹൃത്തുക്കളിൽ നിന്നു വിവരങ്ങൾ ശേഖരിച്ചു.
കേരള പൊലീസിലെ മുതിർന്ന ഉദ്യോഗസ്ഥന്റെ സഹായത്തോടെ കൊച്ചിയിലെ 3 സുഹൃത്തുക്കളിൽനിന്നും വിവരം ശേഖരിച്ചിട്ടുണ്ട്. റോയിയുടെ ബിസിനസ് പങ്കാളികളുടെ മൊഴി രേഖപ്പെടുത്തിയതിനു ശേഷമാണ് ബിസിനസ് താൽപര്യങ്ങളില്ലാതെ റോയിയുമായി അടുപ്പം പുലർത്തിയിരുന്നവരിൽനിന്നും വിവരം ശേഖരിച്ചത്.
സമൂഹമാധ്യമങ്ങൾ വഴി റോയിയുടെയും കോൺഫിഡന്റ് ഗ്രൂപ്പിന്റെയും പ്രമോഷനൽ വിഡിയോകൾ പൊതുസമൂഹത്തിൽ എത്തിച്ചിരുന്ന രണ്ട് യൂട്യൂബർമാരിൽനിന്നും വിവരങ്ങൾ ശേഖരിച്ചിട്ടുണ്ട്.
മരിക്കുന്നതിനു മുൻപുള്ള ദിവസങ്ങളിൽ റോയി ഇവരുമായി ഫോണിൽ ദീർഘനേരം സംസാരിച്ചതായുള്ള വിവരം ലഭിച്ചതിനെ തുടർന്നാണ് വിവരം ശേഖരിച്ചത്. റോയിയുടെ മരണശേഷം സമൂഹമാധ്യമങ്ങൾ വഴി പലരും പ്രചരിപ്പിച്ച വിഡിയോകളിലെ പരാമർശങ്ങൾക്കെതിരെ കോൺഫിഡന്റ് ഗ്രൂപ്പ് രംഗത്തുവന്നിരുന്നു.
CJRoy's death: Karnataka SIT collects information from friends in Kochi
_(8).jpeg)
.jpeg)
_(30).jpeg)