[moviemax.in] നടിയും നർത്തകിയുമായ ആര്യ പാർവതി വിവാഹിതയായ വാർത്തയാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. നടനും സംരംഭകനുമായ ദിലീപാണ് ആര്യയുടെ കഴുത്തിൽ മിന്നുകെട്ടിയത്.
അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ലളിതമായ ചടങ്ങായിരുന്നുവെങ്കിലും, ആരാധകർക്ക് ഈ വിവാഹം തികച്ചും അപ്രതീക്ഷിതമായിരുന്നു. വിവാഹത്തിന് മുന്നോടിയായുള്ള മെഹന്ദി ദൃശ്യങ്ങൾ ആര്യ നേരത്തെ പങ്കുവെച്ചിരുന്നെങ്കിലും അത് വിവാഹ നിശ്ചയമാണോ അതോ മറ്റേതെങ്കിലും ചടങ്ങാവാമോ എന്ന സംശയത്തിലായിരുന്നു ആരാധകർ.
ഒടുവിൽ വിവാഹ ചിത്രങ്ങൾ പുറത്തുവന്നതോടെയാണ് ഈ സർപ്രൈസ് ഏവരും അറിഞ്ഞത്. ഈ വിവാഹ ആഘോഷങ്ങളിലെ യഥാർത്ഥ താരം ആര്യയുടെ കുഞ്ഞനുജത്തി ആദ്യ പാർവതി എന്ന പാലു ആയിരുന്നു.
ചേച്ചിയുടെ വിവാഹ സാരിക്ക് അനുയോജ്യമായ മെറൂൺ പട്ടുപാവാടയണിഞ്ഞ് അതിമനോഹരിയായാണ് പാലു ചടങ്ങുകളിൽ ഉടനീളം തിളങ്ങിയത്. ആര്യയുടെ സോഷ്യൽ മീഡിയ പേജുകളിൽ എപ്പോഴും നിറഞ്ഞുനിൽക്കാറുള്ള പാലുവിനെ വിവാഹ വീഡിയോകളിലും ആരാധകർ ഏറ്റെടുത്തു കഴിഞ്ഞു.
ആര്യയ്ക്ക് 24 വയസ്സുള്ളപ്പോഴാണ് അമ്മയുടെ 47-ാം വയസ്സിൽ അനിയത്തി ജനിക്കുന്നത്. ഒറ്റക്കുട്ടിയായി വളർന്ന തന്റെ ജീവിതത്തിലേക്ക് സന്തോഷം കൊണ്ടുവന്ന കുഞ്ഞനിയത്തിയെ സ്വന്തം മകളെപ്പോലെയാണ് താൻ സ്നേഹിക്കുന്നതെന്ന് ആര്യ പലപ്പോഴും പറഞ്ഞിട്ടുണ്ട്.
പൊതുസ്ഥലങ്ങളിൽ വെച്ച് പലരും ആര്യയെ പാലുവിന്റെ അമ്മയായി തെറ്റിദ്ധരിക്കാറുള്ള കാര്യവും താരം മുൻപ് പങ്കുവെച്ചിരുന്നു. തന്റെ ജീവിതത്തിൽ സ്പർശനത്തിന്റെ വില പോലും പഠിപ്പിച്ചത് അനിയത്തിയുടെ വരവാണെന്ന് വിശ്വസിക്കുന്ന ആര്യയുടെ വിവാഹവേദിയിലും ഈ സഹോദരസ്നേഹം ഏറെ പ്രകടമായിരുന്നു.
Content Highlight: Arya Parvathy got married
