---
title: "സൂപ്പർസ്റ്റാറിന് പ്രധാനമന്ത്രിയുടെ ജന്മദിനാശംസകൾ;സിനിമാലോകത്ത് 50 വർഷം പൂർത്തിയാക്കി രജനികാന്ത്"
english_title: "Superstar Rajinikanth, Birthday, Prime Minister"
publisher: "moviemax.in"
canonical_url: "https://moviemax.in/news/330675/superstar-rajinikanth-birthday-prime-minister"
published_at: "2025-12-12T10:31:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/693ba246af715_PM.jpg"
keywords: []
---

# സൂപ്പർസ്റ്റാറിന് പ്രധാനമന്ത്രിയുടെ ജന്മദിനാശംസകൾ;സിനിമാലോകത്ത് 50 വർഷം പൂർത്തിയാക്കി രജനികാന്ത്

> **Lead Summary:** **[[moviemax.in]]** സൂപ്പർസ്റ്റാർ രജനീകാന്തിന്റെ ജന്മദിനത്തോടനുബന്ധിച്ച് പ്രധാനമന്ത്രി നരേന്ദ്രമോദി ഹൃദ്യമായ ആശംസകൾ അറിയിച്ചു. സിനിമാലോകത്ത് 50 വർഷം പൂർത്തിയാക്കുന്ന ഈ വർഷം രജനിയ്ക്ക് അതീവ പ്രധാനപ്പെട്ടതാണെന്നും മോദി തന്റെ എക്‌സ് കുറിപ്പിൽ വ്യക്തമാക്കി.

## Article Content

**[[moviemax.in]]** സൂപ്പർസ്റ്റാർ രജനീകാന്തിന്റെ ജന്മദിനത്തോടനുബന്ധിച്ച് പ്രധാനമന്ത്രി നരേന്ദ്രമോദി ഹൃദ്യമായ ആശംസകൾ അറിയിച്ചു. സിനിമാലോകത്ത് 50 വർഷം പൂർത്തിയാക്കുന്ന ഈ വർഷം രജനിയ്ക്ക് അതീവ പ്രധാനപ്പെട്ടതാണെന്നും മോദി തന്റെ എക്‌സ് കുറിപ്പിൽ വ്യക്തമാക്കി.

തലമുറകളെ വിസ്മയിപ്പിച്ച പ്രകടനങ്ങളിലൂടെ പ്രേക്ഷകരുടെ ഹൃദയത്തിൽ സ്ഥാനം ഉറപ്പിച്ച രജനിയെ പ്രശംസിച്ച മോദി, ദീർഘായുസ്സും ആരോഗ്യസമൃദ്ധമായ ജീവിതവും ആശംസിച്ചു. വിവിധ വേഷങ്ങളും ജോണറുകളിലൂടെയുള്ള അദ്ദേഹത്തിന്റെ കഥാപാത്രങ്ങൾ ഓരോ തവണയും പുതിയ മാനദണ്ഡങ്ങൾ സൃഷ്ടിച്ചുവെന്നും അദ്ദേഹം കുറിച്ചു.

ലോകമെമ്പാടും ആരാധകരുള്ള താരമായ രജനീകാന്തിന്റെ ജന്മദിനത്തോടനുബന്ധിച്ച്, അദ്ദേഹത്തിന്റെ സൂപ്പർഹിറ്റ് ചിത്രമായ ‘പടയപ്പ’ 25 വർഷങ്ങൾക്ക് ശേഷം വെള്ളിയാഴ്ച വീണ്ടും പ്രദർശനത്തിനെത്തും.

കെ. ബാലചന്ദർ സംവിധാനം ചെയ്ത ‘അപൂർവ രാഗങ്ങൾ’ (1975) എന്ന ചിത്രത്തിലൂടെയാണ് രജനി ചലച്ചിത്രരംഗത്ത് അരങ്ങേറ്റം കുറിച്ചത്.

### Related Links & Sources
- [Original Story Source](https://moviemax.in/news/330675/superstar-rajinikanth-birthday-prime-minister)