---
title: "'നിസാരം....പറന്ന് അടി, നിന്ന് അടി, അടിയോടടി….';  ബാലയ്യയുടെ താണ്ഡവമേ ..., അഖണ്ഡ 2 ട്രെയ്‌ലർ പുറത്ത്"
english_title: "Akhand 2 trailer out"
publisher: "moviemax.in"
canonical_url: "https://moviemax.in/news/327226/akhand-2-trailer-out"
published_at: "2025-11-22T10:24:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6921422b9d349_balayya.jpg"
keywords: []
---

# 'നിസാരം....പറന്ന് അടി, നിന്ന് അടി, അടിയോടടി….';  ബാലയ്യയുടെ താണ്ഡവമേ ..., അഖണ്ഡ 2 ട്രെയ്‌ലർ പുറത്ത്

> **Lead Summary:** ** ബാ**ലയ്യ എന്ന നന്ദമൂരി ബാലകൃഷ്ണയെ നായകനാക്കി ബോയപതി ശ്രീനു ഒരുക്കിയ അഖണ്ഡ 2 ട്രെയ്‍ലര്‍ പുറത്തെത്തി. ഒരു പക്കാ മാസ് എന്റെർറ്റൈനെർ ആണെന്ന് ട്രെയ്‌ലർ കാണുമ്പോൾ മനസിലാകും. അഖണ്ഡ ഒന്നാം ഭാഗം പോലെ തന്നെ പൊടിപാറുന്ന സംഘട്ടന രംഗങ്ങളാണ് ട്രെയിലറിൽ.

## Article Content

** ബാ**ലയ്യ എന്ന നന്ദമൂരി ബാലകൃഷ്ണയെ നായകനാക്കി ബോയപതി ശ്രീനു ഒരുക്കിയ അഖണ്ഡ 2 ട്രെയ്‍ലര്‍ പുറത്തെത്തി. ഒരു പക്കാ മാസ് എന്റെർറ്റൈനെർ ആണെന്ന് ട്രെയ്‌ലർ കാണുമ്പോൾ മനസിലാകും. അഖണ്ഡ ഒന്നാം ഭാഗം പോലെ തന്നെ പൊടിപാറുന്ന സംഘട്ടന രംഗങ്ങളാണ് ട്രെയിലറിൽ.

നേരത്തെ ഇറങ്ങിയ ബാലയ്യയും സംയുക്ത മേനോനും നിറഞ്ഞാടിയ ​ഗാനം ഇതിനകം തന്നെ സോഷ്യൽ മീഡിയയിൽ വൈറലായി കഴിഞ്ഞു. എസ് തമൻ ആണ് ​ചിത്രത്തിന് സം​ഗീതം ഒരുക്കിയിരിക്കുന്നത്. ട്രെയിലറിന് തമൻ നൽകിയിരിക്കുന്ന സ്കോറിന് പ്രത്യേക കയ്യടി ലഭിക്കുന്നുണ്ട്.

ആദ്യ ഭാഗത്തേക്കാൾ വമ്പൻ കാൻവാസിൽ ആണ് ഈ രണ്ടാം ഭാഗം ഒരുക്കിയിരിക്കുന്നത്. സംയുക്ത മേനോൻ ആണ് ചിത്രത്തിലെ നായിക. പാൻ ഇന്ത്യൻ ചിത്രമായി ബ്രഹ്മാണ്ഡ ബഡ്ജറ്റിൽ ഒരുക്കുന്ന ചിത്രത്തിലെ വില്ലൻ വേഷം അവതരിപ്പിക്കുന്നത് ആദി പിന്നിസെട്ടിയാണ്. ബോളിവുഡ് താരം ഹർഷാലി മൽഹോത്രയും ചിത്രത്തിന്റെ താരനിരയിലുണ്ട്.

14 റീൽസ് പ്ലസിന്‍റെ ബാനറിൽ രാം അചന്തയും ഗോപിചന്ദ് അചന്തയും ചേർന്ന് നിർമ്മിക്കുന്ന ചിത്രം എം തേജസ്വിനി നന്ദമൂരി അവതരിപ്പിക്കുന്നു. രചന, സംവിധാനം ബോയപതി ശ്രീനു, നിർമ്മാതാക്കൾ രാം അചന്ത, ഗോപി അചന്ത, ബാനർ 14 റീൽസ് പ്ലസ്, അവതരണം എം തേജസ്വിനി നന്ദമൂരി, ഛായാഗ്രഹണം സി രാംപ്രസാദ്, സന്തോഷ് ഡി, സംഗീതം തമൻ എസ്. ഡിസംബർ അഞ്ചിന് ചിത്രം തിയേറ്ററുകളിലെത്തും.

### Related Links & Sources
- [Original Story Source](https://moviemax.in/news/327226/akhand-2-trailer-out)