---
title: "#mohanlal | 'ഫഹദിനെ ഒരു നടനെന്ന നിലയിൽ നിങ്ങൾ എങ്ങനെ വിലയിരുത്തും? അവനെക്കുറിച്ച് ഞാന്‍ കരുതിയത് സത്യമായി' ; വെളിപ്പെടുത്തി മോഹൻലാല്‍"
english_title: "#mohanlal #recalls #his #prediction #about #fahadhfaasil "
publisher: "moviemax.in"
canonical_url: "https://moviemax.in/news/258762/mohanlal-recalls-his-prediction-about-fahadhfaasil"
published_at: "2024-12-25T09:27:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/676b82d673d11_fahad.jpg"
keywords: []
---

# #mohanlal | 'ഫഹദിനെ ഒരു നടനെന്ന നിലയിൽ നിങ്ങൾ എങ്ങനെ വിലയിരുത്തും? അവനെക്കുറിച്ച് ഞാന്‍ കരുതിയത് സത്യമായി' ; വെളിപ്പെടുത്തി മോഹൻലാല്‍

> **Lead Summary:** ** മോഹ**ൻലാലിനെയും ഫഹദ് ഫാസിലിനെയും മലയാള സിനിമയിലേക്ക് പരിചയപ്പെടുത്തിയത് ഒരാളാണ്, ഫഹദിന്‍റെ പിതാവ് കൂടിയായ സംവിധായകന്‍ ഫാസിൽ. എന്നാല്‍ തന്‍റെ ആദ്യ ചിത്രമായ മഞ്ഞിൽ വിരിഞ്ഞ പൂക്കൾ എന്ന ചിത്രത്തിലൂടെ മോഹൻലാലിനെ അവതരിപ്പിച്ചപ്പോള്‍ അത് മലയാളത്തിലെ അഭിനയ പ്രതിഭയുടെ ഉദയമായിരുന്നു.

## Article Content

** മോഹ**ൻലാലിനെയും ഫഹദ് ഫാസിലിനെയും മലയാള സിനിമയിലേക്ക് പരിചയപ്പെടുത്തിയത് ഒരാളാണ്, ഫഹദിന്‍റെ പിതാവ് കൂടിയായ സംവിധായകന്‍ ഫാസിൽ. എന്നാല്‍ തന്‍റെ ആദ്യ ചിത്രമായ മഞ്ഞിൽ വിരിഞ്ഞ പൂക്കൾ എന്ന ചിത്രത്തിലൂടെ മോഹൻലാലിനെ അവതരിപ്പിച്ചപ്പോള്‍ അത് മലയാളത്തിലെ അഭിനയ പ്രതിഭയുടെ ഉദയമായിരുന്നു.

കൈയ്യെത്തും ദൂരത്ത് (2002) എന്ന ചിത്രത്തില്‍ ഫഹദിനെ അവതരിപ്പിച്ചപ്പോൾ അതേ വിജയം ആവര്‍ത്തിക്കാന്‍ ഫാസിലിന് കഴിഞ്ഞില്ല. ഫഹദിന്‍റെ അരങ്ങേറ്റ ചിത്രത്തിലെ പ്രകടനം കനത്ത വിമർശനം നേരിടുകയും ചെയ്തു.

ഷാനു എന്ന പേരില്‍ അന്ന് അരങ്ങേറ്റം കുറിച്ച ഫഹദ് ഉടൻ തന്നെ സിനിമയിൽ നിന്ന് പിൻവാങ്ങി, പിന്നീട് വര്‍ഷങ്ങള്‍ക്ക് ശേഷം വിജയകരമായ ഒരു തിരിച്ചുവരവിന് മുമ്പ് ഒരു നീണ്ട ഇടവേള എടുത്തു താരം. ശ്രദ്ധേയമായ പ്രകടനങ്ങളിലൂടെ ഇപ്പോള്‍ രാജ്യത്തെ സിനിമ ലോകം ചര്‍ച്ച ചെയ്യുന്ന താരമാണ് ഫഹദ്.

അതേ സമയം പുതിയൊരു അഭിമുഖത്തില്‍ ഫഹദിനെക്കുറിച്ചുള്ള ഓര്‍മ്മ പങ്കുവയ്ക്കുകയാണ് മോഹന്‍ലാല്‍. ലോകം മുഴുവൻ ഫഹദിന്‍റെ അഭിനയ ശേഷിയില്‍ അവിശ്വാസം പ്രകടിപ്പിച്ച കാലത്തും ഫഹദിന്‍റെ കഴിവില്‍ തനിക്ക് വിശ്വാസം ഉണ്ടായിരുന്നുവെന്നാണ് മോഹന്‍ലാല്‍ പറയുന്നത്. ഫഹദ് ജീവിതത്തിൽ മികച്ച വിജയം നേടുമെന്ന് തനിക്ക് ഉറപ്പുണ്ടായിരുന്നുവെന്ന് മോഹന്‍ലാല് ഓര്‍ത്തു.

> “അദ്ദേഹത്തിൻ്റെ അച്ഛനായിരുന്നു (ഫാസിൽ) എന്‍റെ ആദ്യ സംവിധായകൻ. പിന്നീട് അദ്ദേഹത്തോടൊപ്പം (സംവിധായകൻ പൃഥ്വിരാജ് സുകുമാരന്‍റെ ലൂസിഫറിൽ) അഭിനയിക്കാൻ എനിക്ക് അവസരം ലഭിച്ചു. കഴിഞ്ഞ മാസം, ഞങ്ങൾ എംപുരാനിൽ (ലൂസിഫറിൻ്റെ തുടർച്ച) ഒരുമിച്ച് പ്രവർത്തിച്ചു. എന്‍റെ കുടുംബത്തിന് ഫാസിലിൻ്റെ കുടുംബത്തെ പണ്ടേ അറിയാം. ഫഹദിനെ സ്‌കൂൾ കാലം മുതൽ എനിക്കറിയാം ” മോഹൻലാൽ സൺ മ്യൂസിക്കിനോട് പറഞ്ഞു.

> “ഒരിക്കൽ ഫാസിൽ സാർ എന്നോട് ചോദിച്ചു, ഫഹദിനെ ഒരു നടനെന്ന നിലയിൽ നിങ്ങൾ എങ്ങനെ വിലയിരുത്തും?” ഇത് അദ്ദേഹം യുഎസിൽ പഠിക്കുമ്പോഴായിരുന്നു. ഞാൻ അദ്ദേഹത്തോട് പറഞ്ഞു, ‘ഫഹദ് തിരിച്ചു വന്ന് സിനിമയിൽ അഭിനയിക്കട്ടെ.’ അവൻ തിരിച്ചു വന്നപ്പോൾ എന്‍റെ പ്രവചനം സത്യമായി. അദ്ദേഹം ഒരു മികച്ച നടനാണ്, വളരെ നന്നായി പ്രവർത്തിക്കുന്നു” മോഹന്‍ലാല്‍ ഇതിഹാസം കൂട്ടിച്ചേർത്തു.

ഒന്നിച്ച് രംഗങ്ങളില്‍ പ്രത്യക്ഷപ്പെട്ടില്ലെങ്കിലും സംവിധായകൻ സലാം ബാപ്പുവിന്‍റെ റെഡ് വൈനിൽ (2013) മോഹൻലാലും ഫഹദ് ഫാസിലും ഒന്നിച്ചെത്തിയ ചിത്രമാണ്. മഹേഷ് നാരായണന്‍റെ വരാനിരിക്കുന്ന മൾട്ടി-സ്റ്റാറർ സിനിമയിൽ ഇരുവരും ഒരുമിച്ച് എത്തും എന്നാണ് വിവരം. താൽക്കാലികമായി എംഎംഎംഎന്‍ എന്ന് പേരിട്ടിരിക്കുന്ന ചിത്രത്തില്‍ മമ്മൂട്ടി, കുഞ്ചാക്കോ ബോബൻ, നയൻതാര എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.

### Related Links & Sources
- [Original Story Source](https://moviemax.in/news/258762/mohanlal-recalls-his-prediction-about-fahadhfaasil)