---
title: "#jeeva | നടൻ ജീവയുടെ കാർ അപകടത്തിൽപ്പെട്ടു; അപകടത്തിൽ നടനും ഭാര്യയ്ക്കും പരിക്ക്"
english_title: "#Actor #Jeeva' #car #met  #accident #actor #his #wife #were #injured #accident"
publisher: "moviemax.in"
canonical_url: "https://moviemax.in/news/234894/actor-jeeva-car-met-accident-actor-his-wife-were-injured-accident"
published_at: "2024-09-11T18:54:00+05:30"
category: "Kollywood"
language: "ml"
image: "https://moviemax.in/image-uploads/66e19a3796bbc_jeeva.jpg"
keywords: []
---

# #jeeva | നടൻ ജീവയുടെ കാർ അപകടത്തിൽപ്പെട്ടു; അപകടത്തിൽ നടനും ഭാര്യയ്ക്കും പരിക്ക്

> **Lead Summary:** **തമിഴ്‌**നാട്ടിലെ കള്ളകുറിച്ചിക്ക് അടുത്തുവച്ച് തമിഴ് നടൻ ജീവയുടെ കാർ അപകടത്തിൽ പ്പെട്ടു. ഭാര്യ സുപ്രിയയ്‌ക്കൊപ്പം കള്ളകുറിച്ചിയിലേക്ക് പോകുകയായിരുന്നു ജീന. അപകടത്തിൽ ആഡംബര കാറിന്‍റെ ബമ്പർ തകർന്നു.

## Article Content

**തമിഴ്‌**നാട്ടിലെ കള്ളകുറിച്ചിക്ക് അടുത്തുവച്ച് തമിഴ് നടൻ ജീവയുടെ കാർ അപകടത്തിൽ പ്പെട്ടു. ഭാര്യ സുപ്രിയയ്‌ക്കൊപ്പം കള്ളകുറിച്ചിയിലേക്ക് പോകുകയായിരുന്നു ജീന. അപകടത്തിൽ ആഡംബര കാറിന്‍റെ ബമ്പർ തകർന്നു.

എതിരെ അപ്രതീക്ഷിതമായി ഒരു ഇരുചക്ര വാഹനം വന്നപ്പോള്‍ ജീവ കാര്‍ വെട്ടിക്കുകയായിരുന്നു. അപകടത്തിൽ ജീവയ്ക്കും സുപ്രിയയ്ക്കും നിസാര പരിക്കേറ്റു.

ചിന്ന സേലം സ്റ്റേഷനിലെ പോലീസ് ഉദ്യോഗസ്ഥർ സ്ഥലത്തെത്തി അന്വേഷണം ആരംഭിച്ചു. സാരമായ കേടുപാടുകൾ സംഭവിച്ച കാർ പോലീസ് സ്റ്റേഷനിലേക്ക് മാറ്റിയിട്ടുണ്ട്.

ജീവ പുതിയ കാര്‍ വിളിച്ച് ഭാര്യയ്ക്കൊപ്പം സ്ഥലത്ത് നിന്നും മാറിയിരുന്നു. ഇതിന്‍റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്. കാറിന് ചുറ്റും ഒരു ജനക്കൂട്ടം തടിച്ചുകൂടിയതും, ആളുകളുടെ സംസാരവും ജീവയെ അസ്വസ്ഥാക്കിയെന്നാണ് വൈറലാകുന്ന വീഡിയോയില്‍ വ്യക്തമാകുന്നത്.

### Related Links & Sources
- [Original Story Source](https://moviemax.in/news/234894/actor-jeeva-car-met-accident-actor-his-wife-were-injured-accident)