---
title: "#WayanadMudflow | 'രാഷ്ട്രീയവത്കരിക്കാതെ ജനങ്ങളെ സഹായിക്കുക'; കേന്ദ്ര- കേരള സർക്കാരുകളോട് വിശാൽ "
english_title: "#people #politicizing #Vishal #Central #Kerala #Governments"
publisher: "moviemax.in"
canonical_url: "https://moviemax.in/news/225120/people-politicizing-vishal-central-kerala-governments"
published_at: "2024-08-02T21:33:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/66ad039ae4878_gv.jpg"
keywords: []
---

# #WayanadMudflow | 'രാഷ്ട്രീയവത്കരിക്കാതെ ജനങ്ങളെ സഹായിക്കുക'; കേന്ദ്ര- കേരള സർക്കാരുകളോട് വിശാൽ 

> **Lead Summary:** **മു**ണ്ടക്കൈലുണ്ടായ ഉരുൾപൊട്ടൽ ദുരന്തത്തെക്കുറിച്ചുള്ള വാർത്തകൾ ഹൃദയഭേദകമെന്ന് തമിഴ് നടൻ വിശാൽ.

## Article Content

**മു**ണ്ടക്കൈലുണ്ടായ ഉരുൾപൊട്ടൽ ദുരന്തത്തെക്കുറിച്ചുള്ള വാർത്തകൾ ഹൃദയഭേദകമെന്ന് തമിഴ് നടൻ വിശാൽ.

ഒരുപാട് ഹൃദയവേദനയോടെയാണ് ഓരോ ദിവസവും കടന്നു പോകുന്നത്. പ്രകൃതിക്ക് മുന്നിൽ മനുഷ്യർക്ക് ഒന്നും ചെയ്യാൻ കഴിയില്ലെങ്കിലും, ഈ ദാരുണമായ സംഭവം അംഗീകരിക്കാൻ മനസ്സ് വിസമ്മതിക്കുന്നുവെന്ന് അദ്ദേഹം പറയുന്നു.

ജാതിമത ഭേദമന്യേ ദുരിതാശ്വാസ പ്രവർത്തനങ്ങളിൽ കൈകോർത്ത്, ഉപജീവനമാർഗം നഷ്‌ടപ്പെട്ടവർക്കും അവരുടെ ബന്ധുമിത്രാദികൾക്കും സഹായമെത്തിക്കാൻ നമ്മൾ ശ്രമിക്കണം.

ഈ ദാരുണമായ സംഭവത്തിൽ ആളുകളെ രക്ഷിക്കുന്നതിനും മരിച്ചവരെ കണ്ടെത്തുന്നതിനും പോരാടുന്ന എല്ലാ നല്ല മനസ്സുകളോടും നന്ദി പറയുന്നതായി വിശാൽ സമൂഹ മാധ്യമങ്ങളിൽ കുറിച്ചു.

ഒപ്പം ദുരിതാശ്വാസ പ്രവർത്തനങ്ങൾ രാഷ്ട്രീയവത്കരിക്കാതെ ജനങ്ങളെ സഹായിക്കാൻ ക്രിയാത്മകമായ കർമപദ്ധതികൾ ആവിഷ്കരിക്കാൻ കേന്ദ്ര-സംസ്ഥാന സർക്കാരുകളോട് അഭ്യർത്ഥിക്കുന്നതായും അദ്ദേഹം കുറിച്ചു.

### Related Links & Sources
- [Original Story Source](https://moviemax.in/news/225120/people-politicizing-vishal-central-kerala-governments)