മലയാളത്തിന്റെ പ്രിയതാരം പൃഥ്വിരാജ് നായകനാവുന്ന പുതിയ ചിത്രം 'കുരുതി'യുടെ ചിത്രീകരണം ഇന്ന് ആരംഭിക്കും. 'കോഫി ബ്ലൂം' എന്ന ബോളിവുഡ് ചിത്രം ഒരുക്കിയ മനു വാര്യര് മലയാളത്തില് ആദ്യമായി സംവിധാനം ചെയ്യുന്ന ചിത്രമാണ് 'കുരുതി'. സോഷ്യോ പൊളിറ്റിക്കല് ത്രില്ലര് വിഭാഗത്തില് പെടുന്ന ചിത്രം നിര്മ്മിക്കുന്നതും പൃഥ്വിരാജ് പ്രൊഡക്ഷന്സ് ആണ്.
അനീഷ് പല്യാല് രചന നിര്വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം അഭിനന്ദന് രാമാനുജമാണ്. സംഗീതം ജേക്സ് ബിജോയ്. എഡിറ്റിംഗ് അഖിലേഷ് മോഹന്.
ചീഫ് അസോസിയേറ്റ് ഡയറക്ടര് ഇര്ഷാദ് പരാരി. പൃഥ്വിരാജിനൊപ്പം റോഷന് മാത്യു, മണികണ്ഠന് ആര് ആചാരി, മുരളി ഗോപി, നവാസ് വള്ളിക്കുന്ന്, ഷൈന് ടോം ചാക്കോ, നസ്ലെന്, ശ്രിണ്ഡ, സാഗര് സൂര്യ, മാമുക്കോയ എന്നിവരും പ്രാധാന്യമുള്ള കഥാപാത്രങ്ങളായി എത്തുന്നു.
The shooting of the new movie 'Kuruthi' starring Prithviraj will start today
