കൊവിഡ് കാലത്ത് വീട്ടിലിരുന്ന് ഒരു ഗവേഷത്തിന് പിറകെയാണ് ലക്ഷ്മി ഗോപാലസ്വാമി. തിരുനാളിന്‍റെ ഉൽസവ പ്രബന്ധത്തെക്കുറിച്ചുള്ള ഗവേഷണം നടത്തുകയാണ് നർത്തകി കൂടിയായ താരം. മലയാള മനോരമയ്ക്ക് നൽകിയ അഭിമുഖത്തിലാണ് ലക്ഷ്മി ഇത് പറഞ്ഞിരിക്കുന്നത്. തിരുവനന്തപുരം പത്മനാഭസ്വാമി ക്ഷേത്രത്തിലെ ഉത്സവത്തിന് പാടാറുള്ള ദീര്‍ഘമായ കീർത്തനങ്ങളടങ്ങിയ സംഗീത സമുച്ചയമാണ് ഉത്സവപ്രബന്ധമായുള്ളത്. മുമ്പ് മൈസൂർ വൊഡയാർ രാജാക്കൻമാരുടെ കലാസാംസ്കാരിക രംഗത്തെ സംഭാവനയെക്കുറിച്ചുള്ള ഗവേഷണവും ലക്ഷ്മി നടത്തിയിട്ടുണ്ട്.
ബെംഗളുരുവിലെ വീട്ടിൽ വന്നാണ് ‘അരയന്നങ്ങളുടെ വീട്’ സിനിമയുടെ കഥ എന്നോട് പറഞ്ഞത്. ഞാൻ ലോഹി സാറിനെ കാണാൻ ശേഷം പാലക്കാട്ട് എത്തുകയായിരുന്നു. നായികയെ ഏറെ നാള്‍ അന്വേഷിച്ചു മടുത്ത സംവിധായകൻ ലോഹിതദാസ് തന്നെ കണ്ടെത്തിയപ്പോൾ കൂട്ടുകാരനോട് ഫോണിൽ വിളിച്ചു പറഞ്ഞത് ‘‘ഒടുവിൽ ഉള്ളിയുടെ നിറമുള്ളൊരു നായികയെ നമുക്ക് കിട്ടിയെന്നാണ്. സീതാലക്ഷ്മി എന്ന ആദ്യ വേഷം തനിക്കൊരു വിസ്മയം തന്നെയായിരുന്നുവെന്ന് ലക്ഷ്മി പറയുന്നു.
നല്ല നർത്തകിയായതിനാൽ നല്ല നടിയാകാനാകുമെന്നോ നല്ല നടിയായതുകൊണ്ട് നല്ല നർത്തകിയാകാനാകുമെന്നോ കരുതുന്നില്ല, രണ്ടും രണ്ട് വഴിക്കാണെന്ന് ലക്ഷ്മിയുടെ വാക്കുകള്‍. സിനിമയിലെത്തിയ നർത്തകിമാരിൽ വലിയ ആരാധന ബോളിവുഡ് താരം മാധുരി ദീക്ഷിതിനോടാണ്, അവരുടെ ചുവടുകളും ചലനങ്ങളും വിസ്മയിപ്പിച്ചിട്ടുണ്ട്. ശോഭനമാഡവും ഭാനുപ്രിയയും പ്രിയമുള്ളവരാണെന്ന് ലക്ഷ്മി.
മുമ്പ് മോഹൻലാലിനോട് പ്രണയമായിരുന്നുവെന്നും അദ്ദേഹം വിവാഹിതനായത് മൂലമാണ് ലക്ഷ്മി വിവാഹം കഴിക്കാതിരിക്കുന്നതെന്നുള്‍പ്പെടെ ഗോസിപ്പുകള്‍ ഉയര്‍ന്നിട്ടുള്ളതാണ്. ഇപ്പോഴിതാ വിവാഹം കഴിക്കാത്തതിന് പിന്നിലെ സത്യാവസ്ഥ താരം തന്നെ വെളിപ്പെടുത്തിയിരിക്കുകയാണ്.
പതിനേഴാം വയസ്സു മുതൽ താൻ മോഡലിങ് ചെയ്ത് വരുമാനമുണ്ടാക്കുന്നയാളാണെന്ന് ലക്ഷ്മി പറയുന്നു. അതോടൊപ്പം നൃത്ത പരിപാടികളിലൂടേയുമാണ് ജീവിച്ചത്. നയിക്കുന്നത് ആഡംബര ജീവിതമല്ല, ഇപ്പോഴുള്ള ഹോണ്ട സിറ്റി കാർ 10 വർഷം പഴക്കമുള്ളതുമാണ്. വിവാഹം കഴിക്കാത്തതെന്താണണെന്ന് ചോദിക്കുന്നവരോട് ഈ ജീവിതത്തിൽ ഞാൻ വളരെ ഹാപ്പിയാണെന്നാണ് എനിക്ക് പറയാനുള്ളത് ‘ഐ ആം എ ഫ്രീ സ്പിരിറ്റഡ് ഗേൾ ’, ലക്ഷ്മി അഭിമുഖത്തിൽ പറഞ്ഞിരിക്കുകയാണ്.
‘I am a free spirited girl’ - Lakshmi Gopalaswamy
