മിനിസ്ക്രീന് പ്രേക്ഷകര്ക്ക് സുപരിചിതനായ നടനാണ് കിഷോര്. വില്ലന് വേഷത്തിലൂടെയാണ് കിഷോര് താരമായി മാറുന്നത്. ഇപ്പോഴിതാ തന്റെ ജീവിതത്തിലുണ്ടായ അപ്രതീക്ഷിതമായ സംഭവങ്ങളെക്കുറിച്ച് കിഷോര് മനസ് തുറക്കുകയാണ്.
ഫ്ളവേഴ്സ് ചാനലിലെ ഒരു കോടി എന്ന പരിപാടിയില് അതിഥിയായി എത്തുകയാണ് കിഷോര്. പരിപാടിയുടെ പ്രൊമോ വീഡിയോകള് സോഷ്യല് മീഡിയയുടെ ശ്രദ്ധ നേടുകയാണ്.
ശാരീരികമായിട്ട് എന്താണ് പ്രശ്നമുണ്ടായത്? എന്നാണ് വീഡിയോയില് അവതാരകനായ ശ്രീകണ്ഠന് നായര് ചോദിക്കുന്നത്. ഒന്നര വര്ഷത്തോളം എന്താണെന്ന് കണ്ടുപിടിക്കാനായില്ല. ക്ഷീണമായിരുന്നു. അഭിനയിക്കാന് പോകാന് പറ്റില്ല. നടക്കാന് പറ്റില്ലായിരുന്നു. വിറയലായിരുന്നു. എല്ലാ മാസവും ആശുപത്രിയില് പോയി കിടക്കേണ്ടി വരുമായിരുന്നുവെന്നാണ് കിഷോര് പറയുന്നത്.
അച്ഛനെക്കുറിച്ചും കിഷോര് സംസാരിക്കുന്നതായി പ്രൊമോ വീഡിയോയിലുണ്ട്. രണ്ട് മൂന്ന് മിനുറ്റ് കഴിഞ്ഞപ്പോള് അമ്മ പറഞ്ഞു, എടാ അച്ഛന് അനങ്ങുന്നില്ല സംസാരിക്കുന്നില്ല എന്നാണ് കിഷോര് പറയുന്നത്.
ഇമകളില് മരണനിഴല് ഇരുണ്ടു കൂടിയ ആ രാത്രിയെക്കുറിച്ചും കിഷോര് പരിപാടിയില് സംസാരിക്കുന്നതായാണ് പ്രൊമോ വ്യക്തമാക്കുന്നത്. ഇരട്ടി ഡോസ് വായിലിട്ടുവെന്നാണ് കിഷോര് പറയുന്നത്. ഞാന് നോക്കുമ്പോള് കൃഷ്ണ മണിയൊക്കെ മുകളിലേക്കായിപ്പോയെന്ന് കിഷോറിന്റെ ഭാര്യയും പറയുന്നുണ്ട്.
അപ്രതീക്ഷിതമായി ജീവിതത്തിലേക്ക് ഒരാള് കടന്നു വന്നിട്ടുണ്ടോ? എന്നാണ് മറ്റൊരു വീഡിയോയില് അവതാരകന് ചോദിക്കുന്നുണ്ട്. ഞാന് പോയിട്ടുള്ളൊരു ഷോയുടെ പ്രൊഡ്യൂസര് ഉണ്ട്. സിജി എന്നാണ് പേര്. അമേരിക്കന് പൗരനാണ്. മേശപ്പുറത്തൊരു പുസ്തകം വായിച്ച ശേഷം മടക്കി വച്ചിട്ടുണ്ട്.
പുള്ളി എന്നോട് മേശപ്പുറത്ത് കിടക്കുന്ന പുസ്തകം വായിച്ചുവോ എന്ന് ചോദിച്ചു. അതിലൊരു പേജ് മടക്കി വച്ചിട്ടുണ്ട് അതൊന്ന് തുറന്ന് നോക്കിക്കേ എന്നു പറഞ്ഞുവെന്നാണ് കിഷോര് പ്രൊമോ വീഡിയോയില് പറയുന്നത്..
കിഷോര് ഒരിക്കല് റോഡില് കിടന്ന് അടിയുണ്ടാക്കുമ്പോള് സരിത കണ്ടുവെന്നാണ് പറയുന്നതെന്ന് അവതാരകന് പറയുന്നുണ്ട്. ഇവരുടെ കോളേജിലേക്കുള്ള ബസ് അതുവഴിയാണ് പോകുന്നതെന്നാണ് കിഷോറിന്റെ മറുപടി. ബസിലിരുന്നാണ് കണ്ടത്. അച്ഛനോടായിരുന്നു ആരാധന.
അദ്ദേഹത്തിന്റെ മരുമകളായി ചെല്ലുക എന്നതായിരുന്നു കാര്യമെന്ന് കിഷോറിന്റെ ഭാര്യ പറയുന്നു. വിവാഹ ശേഷമാണ് അറിയുന്നത് അച്ഛന്റെ മരുമകള് ആയാല് മാത്രമല്ല നമ്മുടെ ഭാര്യയായാലും കൊള്ളാമെന്ന് എന്നായിരുന്നു കിഷോറിന്റെ പ്രതികരണം.
Content Highlight: Now Kishore is opening up about the unexpected events in his life.
