കോഴിക്കോട് മാളില് സിനിമ പ്രമോഷനെത്തിയ യുവനടിമാര്ക്കു നേരെ ഉണ്ടായ ലൈംഗികാതിക്രമത്തില് പ്രതികരിച്ച് നടന് അജു വര്ഗീസ്. ഒരിക്കലും സംഭവിക്കരുതാത്ത കാര്യം നടന്നതെന്നും ലജ്ജ തോന്നുവെന്നും അജു സമൂഹമാധ്യമത്തില് കുറിച്ചു.
അക്രമണത്തിനിരയായ നടിയുടെ അനുഭവക്കുറിപ്പ് പങ്കുവെച്ചായിരുന്നു അജുവിന്റെ പ്രതികരണം. നിവിന് പോളി, അജു വര്ഗീസ്, സിജു വില്സണ് തുടങ്ങിയവര് പ്രധാന വേഷത്തിലെത്തുന്ന’സാറ്റര്ഡേ നൈറ്റ്’ എന്ന പുതിയ ചിത്രത്തിന്റെ പ്രചാരണ പരിപാടിയുമായി ബന്ധപ്പെട്ടാണു യുവനടിമാരും സഹപ്രവര്ത്തകരും വൈകിട്ട് 7ന് ഹൈലൈറ്റ് മാളില് എത്തിയത്.
കവാടത്തില് വന് പൊലീസ് സുരക്ഷയും ഏര്പ്പെടുത്തിയിരുന്നു. 9 മണിയോടെ പരിപാടി അവസാനിച്ചു സംഘം തിരിച്ചു പോകുന്നതിനിടിയിലാണ് ആള്ക്കൂട്ടത്തില് നിന്ന യുവാവ് കയറിപ്പിടിച്ചത്.
നടിമാര്ക്കൊപ്പം ഉണ്ടായിരുന്നവര് ബലം പ്രയോഗിച്ചു വരാന്തയില് നിന്ന ആരാധകരെ മാറ്റാന് ശ്രമിച്ചു. ഇതിനിടയിലാണു യുവനടി കയ്യേറ്റം ചെയ്ത വ്യക്തിയുടെ മുഖത്തടിച്ചത്.
ഉടനെ സഹപ്രവര്ത്തകര് ഇവരെ സ്ഥലത്തു നിന്നു മാറ്റി. മറ്റൊരു സഹപ്രവര്ത്തകയ്ക്കും ഇതേ അനുഭവം ഉണ്ടായതായും പറയുന്നു. ഈ നടി ഇത് പിന്നീട് ഫെയ്സ്ബുക്കില് പങ്കുവച്ചു.
Something that should never happen happened, I feel ashamed; Aju Varghese
.jpeg)
