അവതാരകയായ മീര അനിലിന്റെ വിശേഷങ്ങളെല്ലാം സോഷ്യല്‍ മീഡിയയിലൂടെ വൈറലായി മാറാറുണ്ട്. ഗംഭീരമായ മേക്കോവറായിരുന്നു മീര അനില്‍ നടത്തിയത്. വസ്ത്രധാരണത്തിലും ഹെയറിലും മാത്രമല്ലായിരുന്നു മാറ്റം. പൊതുവെ തടിച്ചിരുന്ന താന്‍ മെലിഞ്ഞതിനെക്കുറിച്ചായിരുന്നു താരം തുറന്നുപറഞ്ഞത്.
യൂട്യൂബ് ചാനലിലൂടെയായിരുന്നു വര്‍ക്കൗട്ടിനെക്കുറിച്ചും ഫിറ്റ്‌നസിനെക്കുറിച്ചുമൊക്കെ താരം തുറന്നുപറഞ്ഞത്. നിമിഷനേരം കൊണ്ടായിരുന്നു വീഡിയോ വൈറലായി മാറിയത്. ഭര്‍ത്താവ് വിഷ്ണുവിനൊപ്പം ചേര്‍ന്നായിരുന്നു മീര വര്‍ക്കൗട്ടും ഡയറ്റും തുടങ്ങിയത്. ഡയറ്റീഷ്യന്‍ പറഞ്ഞുതരുന്ന കാര്യങ്ങളെല്ലാം ചെയ്തിരുന്നു. അതേ പോലെ തന്നെ കഴിക്കുന്ന ഭക്ഷണത്തിന്റെ അളവും മീര വീഡിയോയിലൂടെ കാണിച്ചിരുന്നു.
വെയ്റ്റ്‌ലോസ് ജേണി ചെയ്യാന്‍ പറ്റുമോയെന്ന് കുറേ പേര്‍ ചോദിച്ചിരുന്നു. അങ്ങനെയാണ് ഈ വീഡിയോ ചെയ്യുന്നത്. മുന്‍പ് കോമഡി സ്റ്റാര്‍സ് കണ്ടവര്‍ക്ക് ശരിക്കും മനസ്സിലാവും ഇപ്പോഴത്തെ മാറ്റം. കല്യാണമൊക്കെ ആയ സമയത്താണ് വെയ്റ്റ് ലോസിനെക്കുറിച്ച് സീരിയസായി ചിന്തിച്ചത്.
ശരിക്കും പറഞ്ഞാല്‍ നല്ല ഫുഡിയാണ്. ഭക്ഷണം മുന്നില്‍ വെച്ചാല്‍ പിന്നെ അത് കഴിച്ചിട്ടേയുള്ളൂ എന്തും. അങ്ങനെയുള്ളയാളാണ്. അങ്ങനെ എന്‍ജോയ് ചെയ്ത് ഫുഡ് കഴിച്ചിരുന്നയാളാണ്. തന്റെ ഒരു ദിവസത്തെ ഡെയ്‌ലി റൂട്ടീനായിരുന്നു മീര പങ്കിട്ടത്. ഒറ്റയ്ക്ക് ചെയ്യാന്‍ മടിയായതിനാല്‍ രണ്ടാള്‍ക്കും ചേര്‍ന്ന് ഹെല്‍ത്തി ലൈഫ് തുടങ്ങാമെന്ന് പറഞ്ഞ് വിഷ്ണുവിനെക്കൂടി കൂടെക്കൂട്ടുകയായിരുന്നു മീര.
രാവിലെ വെയ്റ്റ് ചെക്ക് ചെയ്യാറുണ്ട്. 15 ദിവസം കൊണ്ട് തനിക്കും വിഷ്ണുവിനുമുണ്ടായ മാറ്റം കൃത്യമായി കാണിച്ചിരുന്നു മീര. മെനുവിലെ ഭക്ഷണവും നടത്തവും വ്യായാമവുമെല്ലാം ചെയ്യുന്നതെല്ലാം മീര വീഡിയോയില്‍ കാണിച്ചിരുന്നു. ഇടയ്ക്കിടയ്ക്ക് വെള്ളം കുടിക്കണമെന്ന് പറഞ്ഞ് എന്നെ ഓര്‍മ്മിപ്പിച്ചയാളാണ് പ്രിയാമണിയെന്ന് മീര അനില്‍ പറഞ്ഞിരുന്നു. 15ാമത്തെ ദിവസം വെയ്റ്റ് നോക്കിയതിന്റെ റിസല്‍ട്ടിനെക്കുറിച്ചും മീര പറഞ്ഞിരുന്നു.
3 കിലോയോളമാണ് മീര കുറഞ്ഞത്. കൃത്യമായി ഫോളോ ചെയ്തതിനാല്‍ 3 കിലോ കുറഞ്ഞിട്ടുണ്ട്. വിവാഹസമയത്ത് വിഷ്ണു 80 ആയിരുന്നു. വിരുന്നൊക്കെ കഴിഞ്ഞ് നല്ല വണ്ണം വെച്ചിരുന്നു. ഇപ്പോള്‍ വീണ്ടും 80 ലേക്ക് എത്തിയിരിക്കുകയാണ്. 4 കിലോയോളമാണ് വിഷ്ണു കുറഞ്ഞത്.
മേക്കപ്പൊന്നുമില്ലാതെ കാണാനാണ് ഭംഗി, ശരിക്കും പ്രചോദനമേകുന്ന വീഡിയോ, വിഷ്ണുവിനെക്കൂടി സംസാരിപ്പിച്ച് തുടങ്ങണം. ഇഷ്ടമുള്ള ഭക്ഷണങ്ങളെല്ലാം കഴിച്ച് നന്നായി വര്‍ക്കൗട്ട് ചെയ്തത് ഇഷ്ടമായി. ഞങ്ങളും 15 ദിവസത്തെ റിസല്‍ട്ട് അറിയാനായി കാത്തിരിക്കുകയായിരുന്നു. തുടങ്ങിയ കമന്റുകളായിരുന്നു വീഡിയോയ്ക്ക് താഴെയുണ്ടായിരുന്നത്.
That change came as a shock, in 15 days!
