എന്തിനാണ് ഈ ശത്രുത? പൊതിച്ചോറ് വിതരണത്തിൽ മന്ത്രി ഈഗോ മാറ്റിവെക്കണം, എല്ലാവരെയും ചേർത്തുപിടിക്കണമെന്ന് പി.എ മുഹമ്മദ് റിയാസ്

കോഴിക്കോട്: (https://truevisionnews.com/) ആശുപത്രികളിലെ പൊതിച്ചോറ് വിതരണവുമായി ബന്ധപ്പെട്ട തർക്കത്തിൽ ആരോഗ്യമന്ത്രി കെ. മുരളീധരനെതിരെ കടുത്ത ഭാഷയിൽ വിമർശനമുന്നയിച്ച് പി.എ. മുഹമ്മദ് റിയാസ് എം.എൽ.എ.

പൊതിച്ചോറ് വിതരണവുമായി ബന്ധപ്പെട്ട വിഷയങ്ങളിൽ മന്ത്രി ഈഗോ ഒഴിവാക്കണമെന്ന് പറഞ്ഞു മുഹമ്മദ് റിയാസ് . ഇത്തരം കാരുണ്യപ്രവർത്തനങ്ങളിൽ വൈരാഗ്യബുദ്ധിയോടെയുള്ള സമീപനം ഒഴിവാക്കി എല്ലാവരെയും ചേർത്തുപിടിക്കാൻ മന്ത്രി തയ്യാറാകണം.

നിലവിൽ എല്ലാവിധ സുരക്ഷാ-ആരോഗ്യ മാനദണ്ഡങ്ങളും പാലിച്ചുകൊണ്ടാണ് സന്നദ്ധ സംഘടനകൾ പൊതിച്ചോറുകൾ വിതരണം ചെയ്യുന്നത്. ഇതിനെ എന്തിനാണ് ഇത്രയധികം ശത്രുതയോടെ കാണുന്നതെന്ന് ചോദിച്ച റിയാസ്, ഇത്തരം ജനകീയ വിഷയങ്ങളിൽ പിടിവാശി കാണിക്കാതെ ചർച്ചകൾക്ക് സർക്കാർ മുൻകൈ എടുക്കണമെന്നും വ്യക്തമാക്കി.

ഡിവൈഎഫ്ഐ അടക്കമുള്ള സന്നദ്ധ സംഘടനകളുമായി ചർച്ച നടത്തി എല്ലാവരെയും ഒരുമിച്ച് കൊണ്ടുപോകണമെന്നാണ് തന്റെ നിലപാടെന്നും അദ്ദേഹം മാധ്യമങ്ങളോട് പറഞ്ഞു. അതേസമയം സർക്കാർ ആശുപത്രി പരിസരങ്ങളിൽ ഡിവൈഎഫ്ഐ നടത്തുന്ന പൊതിച്ചോറ് വിതരണത്തിനെതിരെ നിലപാട് കൂടുതൽ കർശനമാക്കി ആരോഗ്യമന്ത്രി കെ. മുരളീധരൻ.

Also read: ഇന്ത്യൻ ടീം അല്ലല്ലോ ഫൈനലിൽ കളിക്കുന്നത്, പിള്ളേർക്ക് മാത്രമല്ല ഉറക്ക ക്ഷീണം കളി കാണുന്ന എല്ലാ പേർക്കും ഉണ്ടാകില്ലേ?; ചോ​ദ്യങ്ങളുമായി സന്തോഷ് പണ്ഡിറ്റ്

ആശുപത്രികൾക്കകത്ത് യാതൊരു കാരണവശാലും രാഷ്ട്രീയ പ്രവർത്തനം അനുവദിക്കില്ലെന്നും അത് എന്തുവിലകൊടുത്തും തടയുമെന്നും മന്ത്രി പത്തനംതിട്ടയിൽ മാധ്യമങ്ങളോട് പറഞ്ഞു. ഇത് യുഡിഎഫ് സർക്കാരിന്റെ പ്രഖ്യാപിത നയമാണ്. ആശുപത്രികളിൽ കമ്മ്യൂണിറ്റി കിച്ചൻ സംവിധാനം വഴി മാത്രമേ ഭക്ഷണം വിതരണം ചെയ്യാൻ പാടുള്ളൂവെന്നും നിയന്ത്രണങ്ങളുമായി ബന്ധപ്പെട്ട് സന്നദ്ധ സംഘടനകളുമായി സർക്കാർ ഉടൻ ചർച്ച നടത്തുമെന്നും മന്ത്രി വ്യക്തമാക്കി.

ഡിവൈഎഫ്ഐ എന്ന സംഘടനയെ മാത്രമല്ല, യൂത്ത് കോൺഗ്രസിന്റെയോ ആർഎസ്എസ് അനുകൂല സംഘടനയായ സേവാഭാരതിയുടെയോ ആയാലും രാഷ്ട്രീയ പശ്ചാത്തലമുള്ള പ്രവർത്തനങ്ങൾ ആശുപത്രിക്ക് ഉള്ളിൽ അനുവദിക്കില്ലെന്ന് കെ. മുരളീധരൻ അസന്നിഗ്ധമായി വ്യക്തമാക്കി.

മെഡിക്കൽ സർവീസസ് കോർപ്പറേഷനുമായി ബന്ധപ്പെട്ട് ഉയർന്നുവന്ന ടെന്നീസ് ക്ലബ് അംഗത്വ വിവാദത്തോടും മന്ത്രി രൂക്ഷമായ ഭാഷയിൽ പ്രതികരിച്ചു. ആരോഗ്യവകുപ്പിന് അത്തരം ഒരു ക്ലബ് അംഗത്വത്തിന്റെ യാതൊരുവിധ ആവശ്യവുമില്ലെന്ന് മന്ത്രി പറഞ്ഞു.

Content Highlight: Pothichor Row: PA Mohammed Riyas vs K Muraleedharan Over Hospital Food Distribution

#Pothichor #K Muraleedharan #PA Mohammed Riyas #DYFI #Kerala Politics #Hospital Food