#Alappuzha #Achankovil River #Drowning #Budhanoor #Mithun Kumar
ആലപ്പുഴ: ( www.truevisionnews.com ) ബുധനൂർ പെരിങ്ങിലിപ്പുറത്തെ ഭാര്യ വീട്ടിലെത്തിയ യുവാവ് അച്ചൻകോവിലാറിൽ മുങ്ങിമരിച്ചു. കോട്ടയം പുതുപ്പള്ളി പെരുങ്കാവ് അയ്യങ്കുളം വീട്ടിൽ എ.എസ്. മിഥുൻകുമാർ (39) ആണ് മരിച്ചത്.മഞ്ഞപ്പള്ളികടവിൽ വെച്ചായിരുന്നു അപകടം. ഭാര്യയുടെ വീട്ടിലെത്തിയ മിഥുൻകുമാർ നദിയിൽ ഇറങ്ങിയതാണെന്നാണ് വിവരം.
ഇതിനിടെ ആഴമുള്ള ഭാഗത്ത് വെച്ച് മുങ്ങിത്താഴുകയായിരുന്നു. നാട്ടുകാരും ഫയർഫോഴ്സും ചേർന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്.പുതുപ്പള്ളി സ്വദേശിയായ മിഥുൻകുമാർ ഭാര്യ വീട്ടിൽ ഒരു ചടങ്ങിൽ പങ്കെടുക്കാനാണ് എത്തിയത്. സംഭവം അറിഞ്ഞ് ബന്ധുക്കൾ സ്ഥലത്തെത്തി.
മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും. ബുധനൂർ പൊലീസ് സ്ഥലത്തെത്തി മേൽനടപടികൾ സ്വീകരിച്ചു. നദിയിൽ കുളിക്കുമ്പോൾ ജാഗ്രത പാലിക്കണമെന്നും അപകട സാധ്യതയുള്ള സ്ഥലങ്ങളിൽ ഇറങ്ങരുതെന്നും പൊലീസ് അറിയിച്ചു.
Content Highlight: Man Drowns in Achankovil River at Alappuzha Budhanoor
#Alappuzha #Achankovil River #Drowning #Budhanoor #Mithun Kumar
