'എന്നെ വെെറലാക്കാൻ ആരും നോക്കേണ്ട'; വീണ്ടും അസഭ്യവര്‍ഷവുമായി പൊലീസ് കുരുമുളക് സ്പ്രേ അടിച്ച യുവാവ്

ഇടുക്കി: ( www.truevisionnews.com) നഗരമധ്യത്തില്‍ വീണ്ടും അസഭ്യവര്‍ഷവുമായി ട്രാഫിക് പൊലീസ് കണ്ണില്‍ കുരുമുളക് സ്പ്രേ അടിച്ച യുവാവ്. തന്നെ വൈറല്‍ ആക്കാന്‍ ആരേയും അനുവദിക്കില്ലെന്ന് പറഞ്ഞായിരുന്നു അസഭ്യവര്‍ഷം.

ഇന്നലെ വൈകിട്ട് അടിമാലി ബസ് സ്റ്റാന്‍ഡില്‍ ആയിരുന്നു സംഭവം. സ്ത്രീകളെയും കുട്ടികളെയും അടക്കം അസഭ്യം പറഞ്ഞു. പരാതി ലഭിച്ചാല്‍ കേസെടുക്കുമെന്ന നിലപാടിലാണ് പൊലീസ്.

പൊലീസ് വാഹനത്തിന് അടുത്തെത്തി എസ്‌ഐക്ക് നേരെ അസഭ്യവര്‍ഷം തുടര്‍ന്നതോടെയാണ് വാഹനത്തില്‍ കരുതിയിരുന്ന പെപ്പര്‍ സ്പ്രേ പൊലീസ് ഉദ്യോഗസ്ഥന്‍ യുവാവിന്റെ മുഖത്തടിച്ചത്. പിന്നാലെ മുഖം പൊത്തി അടുത്തുള്ള കടത്തിണ്ണയില്‍ ഇരുന്ന യുവാവ് അരമണിക്കൂറിന് ശേഷമാണ് സ്റ്റാന്‍ഡ് വിട്ടത്.

പിന്നാലെ ഇന്നലെ വൈകിട്ട് വീണ്ടും യുവാവ് ബസ് സ്റ്റാന്‍ഡിലെത്തുകയായിരുന്നു. മദ്യലഹരിയിലായിരുന്ന യുവാവ് സ്ത്രീകള്‍ക്കും കുട്ടികള്‍ക്കും നേരെ അസഭ്യവര്‍ഷം തുടര്‍ന്നു. ഏറെ നേരത്തിന് ശേഷമാണ് ഇയാള്‍ സ്റ്റാന്‍ഡില്‍ നിന്നും പോയത്. ഈ പ്രദേശത്ത സ്ഥിരമായി എത്തി പ്രശ്‌നം ഉണ്ടാക്കുന്നയാളാണ് യുവാവ്.

Also read: 'നുണക്കഥകൾ പ്രചരിപ്പിച്ച് നിശബ്ദയാക്കാമെന്ന് കരുതി, സിനിമയിലെ പവർ ഗ്രൂപ്പിനെതിരെയാണ് എൻ്റെ പോരാട്ടം' - ശ്വേത മേനോൻ

Content Highlight: young man who sprayed pepper spray into a traffic police officer's eyes unleashed a fresh barrage of verbal abuse

#Latest News #Pepper Spray Attack #Idukki #Drunk Man Verbal Abuse